قومی کرکٹر شاداب خان نے سماجی رابطوں کی سائیٹ ایکس پر ایک بیان میں کہا ہے کہ شوکت خانم کو فنڈ ریزنگ کی اجازت کیوں نہیں دی جا رہی؟ کینسر اسپتال ہمارے لیے ضروری ہیں اور شوکت خانم نے ہمیشہ حیرت انگیز کام کیا ہے۔
Why is the #SKMCH fundraiser not being allowed? Cancer hospitals are essential for us and #SKMCH has always done amazing work. pic.twitter.com/hOL548zF2i
— Shadab Khan (@76Shadabkhan) December 30, 2023
شاداب خان کے کینسر اسپتال کے حق میں بیان پر صارفین کا بھی ردعمل دیکھنے میں آیا ہے۔ کسی نے آواز اٹھانے پر شاداب خان کا شکریہ ادا کیا تو کوئی ان کو تنقید کا نشانہ بناتا نظر آیا۔
رباب حیات نے لکھا کہ جنہوں نے شوکت خانم کے فنڈ ریزنگ پروگرام کو روکا انہوں نے ہی کچھ دن پہلے آپ کو وردی پہنا کر بابو بنایا تھا۔
جنہوں نے یہ کام کیا ہے
انہوں نے ہی کچھ دن پہلے آپ کو وردی پہنا کر بابو بنایا تھا۔ https://t.co/3Bg9EoP462— Rubab Hayat (@shuglisam) December 30, 2023
عمر فاروق قومی کرکٹر شاداب خان کو تنقید کا نشانہ بناتے ہوئے لکھتے ہیں کہ آپ ان کی حمایت کر رہے ہیں، ان کے سفیر بن رہے ہیں اور اب پوچھ رہے ہیں کہ ایسا کیوں ہوا؟
You're supporting them, becoming their ambassador and now asking "Why" ?
Just get lost! pic.twitter.com/oqVF3IGBRf— Umar FarOoq 🇵🇰 (@UmarFarooqGL) December 30, 2023
ایک صارف نے لکھا کہ شاداب خان کی عزت میں آج مزید اضافہ ہو گیا ہے کیونکہ شوکت خانم کینسر اسپتال مریضوں کے لیے ایک امید ہے۔ ان کا مزید کہنا تھا کہ کرکٹرز کو شوکت خانم کینسر اسپتال اور عمران خان کی حمایت میں کھڑے ہونا چاہیے۔
Respect for Shadab Khan increase today 100× ,
SKMCH is a hope for Cancer patient, Cricketers should stand with Imran Khan & SKMCH— K K🇵🇸 (@iimKK_) December 30, 2023
فیضان شیخ نے شاداب خان کو آڑے ہاتھوں لیتے ہوئے کہا کہ آپ کرکٹر ہیں ایکٹر مت بنیں، اس بات کا آپ کو ایک دن میں ہی پتہ چل گیا کہ شوکت خانم کا این او سی کینسل کر دیا گیا ہے پنجاب پولیس کا عہدہ حاصل کرنے سے پہلے آپ کو یہ نہیں پتہ تھا کہ پولیس کیا کچھ کر رہی ہے۔
آپ کرکٹر ہیں ایکٹر مت بنیں
اس بات کا آپ کو ایک ہی دن میں پتہ چل گیا ہے کہ #SKMCH کا NOC کینسل کر دیا ہے ۔
پنجاب پولیس کا عہدہ لینے سے پہلے آپ کو یہ پتہ نہیں چلا کہ پنجاب پولیس کیا کچھ کر رہی ہے۔
نا کسی کی جان محفوظ نا عزت نا چادر چاردیواری کا تقدس https://t.co/Fy5He15fha pic.twitter.com/rycBzoEuqv— Faizan Shaikh (@FaiziWithKhan) December 30, 2023
واضح رہے کہ اسلام آباد کی انتظامیہ نے شوکت خانم میموریل اسپتال کا فنڈ ریزنگ پروگرام کے لیے جاری کیا گیا نو اوبجیکشن سرٹیفکیٹ (این او سی ) منسوخ کر دیا تھا۔
این او سی منسوخ کیے جانے والے نوٹیفکیشن میں شوکٹ خانم میموریل اسپتال کے حکام سے کہا گیا ہے کہ وہ میرٹ ہوٹل میں جاری فنڈ ریزنگ کی سرگرمیاں فوری معطل کردیں اگر ایسا نہ کیا گیا تو قانون کے مطابق تمام ضروری کارروائی عمل میں لائی جائے گی۔