وفاقی وزیر پیٹرولیم علی پرویز ملک نے سعودی عرب کے سفیر نواف سعید المالکی سے ملاقات کی، جس میں پاکستان کے لیے بحیرہ احمر میں واقع بندرگاہ یانبو کے ذریعے خام تیل کی متبادل سپلائی روٹ کی یقین دہانی کرائی گئی۔
مزید پڑھیں:سعودی عرب کے جازان ریجن میں آم کی فصل تیار، 65 ہزار ٹن فصل متوقع
علی پرویز ملک کے مطابق سعودی ذرائع نے یانبو سے سپلائی کی سیکیورٹی اور پاکستان کے لیے ترجیحی رسائی کی ضمانت دی ہے، جبکہ ایک جہاز کو پاکستان کے لیے خام تیل اٹھانے کے لیے روانہ کرنے کی بھی یقین دہانی کرائی گئی۔
پاکستان کی بندرگاہ یانبو کے ذریعے متبادل تیل سپلائی روٹ کی درخواست، سعودی عرب کی حمایت کی یقین دہانی۔ وفاقی وزیر پیٹرولیم کی سعودی سفیر نواف سعید المالکی سے ملاقات
سعودی ذرائع نے بحیرہ احمر میں واقع بندرگاہ یانبو کے ذریعے سپلائی کی یقین دہانی کرائی، علی پرویز ملک@KSAMOFA pic.twitter.com/NYOU7oQPhu— Media Talk (@mediatalk922) March 4, 2026
سعودی سفیر نے کہا کہ کسی بھی ہنگامی ضرورت کے پیشِ نظر پاکستان کے ساتھ بھرپور تعاون جاری رہے گا اور دونوں ممالک ہر آزمائش میں ایک دوسرے کے ساتھ کھڑے رہیں گے۔
وفاقی وزیر نے کہا کہ حکومت عوام کے لیے توانائی کی سپلائی چین کے تسلسل کو یقینی بنانے کے لیے بھرپور کوششیں کر رہی ہے، اور موجودہ حالات میں سعودی عرب جیسے برادر ممالک کی حمایت پاکستان کے لیے انتہائی اہمیت کی حامل ہے۔
مزید پڑھیں:ایران پر حملے میں سعودی عرب کے کردارکی خبریں جھوٹ ہیں، احمد حسن العربی
واضح رہے کہ پاکستان کی بیشتر پیٹرولیم سپلائی آبنائے ہرمز کے راستے آتی ہے، جس کے متبادل کے طور پر یانبو کا روٹ اہم قدم قرار دیا جا رہا ہے۔
