ملک میں سال نو کی تقریبات پر پابندی کے باعث اسلام آباد پولیس نے حفاظتی انتظامات کر لیے۔
ترجمان اسلام آباد پولیس کے مطابق نگراں وزیراعظم انوارالحق کاکڑ نے سال نو کی تقریبات پر پابندی عائد کر رکھی ہے۔
ترجمان نے بتایا کہ سال نو پر اسلام آباد پولیس کے 2 ہزار سے زیادہ افسران فرائض سرانجام دیں گے۔
مزید پڑھیں
ترجمان کے مطابق سال نو پر شہر کے اہم مقامات پر خصوصی ناکے لگائے جائیں گے۔ اس دوران ہوائی فائرنگ، ہلڑ بازی اور ون ویلنگ کرنے والوں کے خلاف سخت قانونی کارروائی کی جائے گی۔
ترجمان نے بتایا کہ ڈولفن فورس شہر بھر میں گشت کے فرائض سرانجام دے گی۔ جبکہ گرجا گھروں میں مکمل پڑتال کے بعد داخلے کی اجازت ہوگی۔
واضح رہے کہ نیوزی لینڈ سمیت ملک کے مختلف حصوں میں سال نو آغاز ہو گیا ہے جبکہ دوسری جانب حکومت پاکستان نے فلسطین کے مظلوم عوام سے اظہار یکجہتی کے لیے سال نو کی تقریبات پر پابندی کا اعلان کیا ہے۔
اس کے علاوہ شارجہ کی حکومت نے بھی اہل غزہ سے یکجہتی کا اظہار کرتے ہوئے سال نو کی تقریبات پر پابندی عائد کی ہوئی ہے۔
