اسلام آباد میں پمز اسپتال کے قریب نامعلوم موٹر سائیکل سواروں کی ڈولفن پولیس اہلکاروں پر فائرنگ کے نتیجے میں 2 افراد زخمی ہو گئے ہیں۔
پولیس ترجمان کے مطابق حملہ آوروں نے اس وقت ڈولفن پولیس پر فائرنگ کر دی جب انہوں نے انہیں روکنے کی کوشش کی، پولیس کی جوابی کارروائی میں 2مشتبہ افراد زخمی ہو گئے جنہیں بعد میں ڈولفن پولیس نے گرفتار کر لیا ہے۔
پولیس پر راہزنوں کی فائرنگ ۔
125 موٹر سائیکل پہ سوار دو افراد کو مشکوک جانتے ہوئے چیک کرنے کی غرض سے روکا گیا۔
ملزمان نے ڈالفن پولیس کے افسران پر فائرنگ کردی۔
پولیس نے دونوں ملزمان زخمی حالت میں گرفتار کر لئے.
ملزمان سے علاقہ تھانہ سنگ جانی سے چھینا گیا موٹر سائیکل اور اسلحہ…
— Islamabad Police (@ICT_Police) January 7, 2024
ڈولفن پولیس کی جانب سے فوری جوابی کارروائی کے نتیجے میں مبینہ مسلح افراد کو گرفتار کر لیا گیا ہے ۔
پولیس گرفتار ملزمان کا ریکارڈ چیک کرنے سمیت واقعے کی تیزی سے تفتیش کر رہی ہے۔ فائرنگ کے حوالے سے صورت حال ابھی تک واضح نہیں ہے اور حکام اس واقعے کی وجوہات جاننے کے لیے مزید تفصیلات اکٹھا کرنے کی کوشش کر رہے ہیں۔
