سینئر اداکار قوی خان کی نماز جنازہ کینیڈا کے شہر مسی ساگا کی جامع مسجد میں ادا کر دی گئی۔ نماز جنازہ میں عزیز و اقارب، پاکستانی کمیونٹی کی کثیر تعداد نے شرکت کی۔ سینئر اداکار شاہد اور محمود اختر سمیت شوبز انڈسٹری کے دیگر افراد بھی شریک ہوئے۔
شرکاء نے قوی خان کی وفات پر افسوس کا اظہار کرتے ہوئے کہا کہ قومی خان جیسا رحم دل اور کمال کا آرٹسٹ شاید دوبارہ پاکستان میں پیدا نہ ہو۔ ان کی محبت زندگی بھر ہمارے دلوں میں رہے گی۔
قوی خان کو کینیڈا میں کوبرامپٹن شہر کے میڈوویل قبرستان میں سپرِدِ خاک کیا گیا ہے۔
واضح رہے کہ معروف اداکار قوی خان گزشتہ روز کینیڈا میں انتقال کرگئے تھے۔ وہ اپنے بیٹے عدنان قوی کے ساتھ بغرض علاج کینیڈا میں مقیم تھے۔
بابا جی قوی خان صاحب کی نمازِ جنازہ 😭😭😭 برفانی طوفان ہونے کے باوجود ہزاروں لوگوں نے اپنے محبوب فنکار اور عظیم انسان کو رُخصت کیا 🙏🙏🙏 اللہ تعالٰی اجرِ عظیم عطا فرمائے ، آمین ثُم آمین pic.twitter.com/QZ9JlD9sBh
— Sohail Ahmed (@realsohailahmed) March 6, 2023
