نیوزی لینڈ کی پہلی پناہ گزین رکن پارلیمنٹ گولریز گہرمان نے مبینہ طور پر چوری کے الزام پر استعفیٰ دے دیا ہے۔ فرانسیسی خبر رساں ادارے کے ’اے ایف پی‘ مطابق مرکزی بائیں بازو سے تعلق رکھنے والی جماعت گرین پارٹی کی رکن پارلیمنٹ گولریز گہرمان سے کپڑوں کی دکانوں سے چوری کے 3 الزامات کے بعد پولیس تفتیش کر رہی ہے۔
گولریز گہرمان نے اعتراف کیا کہ وہ سیاست دانوں کے معیار پر پورا نہیں اتریں اور انہیں اپنی ذہنی صحت کے لیے وقت درکار ہے۔ انہوں نےکہا کہ کام سے متعلق دباؤ نے انہیں اپنے کردار کے برعکس ایسے طریقوں سے کام کرنے پر مجبور کیا جو مکمل طور پر غیر اخلاقی ہیں۔
Green MP Golriz Gharahman today announced she is quitting politics immediately, in the wake of shoplifting claims made against her.
Here are the full statements from her and the Green Party co-leaders 👇https://t.co/1ZoV0QpIFJ
— 1News (@1NewsNZ) January 15, 2024
ان کا کہنا تھا کہ وہ خود کو معاف کرانے کی کوشش نہیں کر رہیں لیکن وہ اپنے عہدے سے استعفیٰ دیکر اپنی وضاحت دینا چاہتی ہیں۔ انہوں نے کہا کہ انہوں نے بہت سے لوگوں کو مایوس کیا ہے اور اس کا انہیں بہت افسوس ہے۔
