نیوزی لینڈ اور پاکستان کے درمیان سیریز کا تیسرا ٹی20 کل ڈنیڈن میں کھیلا جائے گا۔ قومی ٹیم کے پاس سیریز میں واپسی کا آخری موقع ہے، دونوں ٹیمیں پاکستانی وقت کے مطابق صبح 05:30 بجے آمنے سامنے ہوں گی۔
قومی ٹیم کی پلیئنگ الیون میں 3 تبدیلیاں بھی کردی گئی ہیں جہاں فاسٹ بولر عباس آفریدی پیٹ میں تکلیف کے سبب باہر ہوگئے ہیں، اُسامہ میر اور عامر جمال کو ڈارپ کر دیا گیا ہے۔ ان تینوں کی جگہ محمد نواز، وسیم جونیئر اور زمان خان فائنل الیون میں شامل ہیں۔
میزبان نیوزی لینڈ کو سیریز میں 0-2 کی برتری حاصل ہے۔