پائیدار امن کے لیے امریکا ایران ڈائیلاگ میں سہولت کاری جاری رکھیں گے، اسحاق ڈار

نائب وزیراعظم و وزیر خارجہ اسحاق ڈار نے کہا ہے کہ ایران اور امریکا نے وزیراعظم شہباز شریف کی اپیل پر جنگ بندی قبول کی اور اسلام آباد میں امن مذاکرات میں شرکت کی، جو خطے کے لیے مثبت پیشرفت ہے۔

یہ بھی پڑھیں:امریکا ایران: 4 دہائیوں سے زائد دشمنی سے مذاکرات کی میز تک

اسلام آباد میں امریکا اور ایران کے درمیان ہونے والے اہم مذاکرات کے بعد میڈیا سے گفتگو کرتے ہوئے نائب وزیراعظم و وزیر خارجہ اسحاق ڈار نے کہا کہ پاکستان کی سفارتی کوششوں کے نتیجے میں دونوں ممالک نے جنگ بندی پر آمادگی ظاہر کی اور امن مذاکرات کے لیے اسلام آباد آنے کی دعوت قبول کی۔

ضروری ہے کہ امریکہ اور ایران سیزفائر معاہدے کو برقرار رکھیں، پاکستان دونوں ممالک کے درمیان مذاکراتی عمل میں سہولت کاری کا کردار جاری رکھے گا ، وزیرخارجہ اسحاق ڈار pic.twitter.com/Fwhc13gmIM

— WE News (@WENewsPk) April 12, 2026

انہوں نے کہا کہ وزیراعظم محمد شہباز شریف کی جانب سے خطے میں فوری جنگ بندی کی اپیل کی گئی تھی، جس پر اسلامی جمہوریہ ایران اور ریاستہائے متحدہ امریکا دونوں نے مثبت ردعمل دیا۔ دونوں ممالک کے وفود گزشتہ روز پاکستان پہنچے تاکہ اسلام آباد مذاکرات میں شرکت کر سکیں۔

🔊PR No.1️⃣0️⃣0️⃣/2️⃣0️⃣2️⃣6️⃣

Remarks by the DPM/FM at the conclusion of the Islamabad Talks

🔗⬇️ pic.twitter.com/ySCYFStWSJ

— Ministry of Foreign Affairs – Pakistan (@ForeignOfficePk) April 12, 2026

اسحاق ڈار نے پاکستان کے کردار کو اجاگر کرتے ہوئے کہا کہ پاکستان نے نہ صرف جنگ بندی کے حصول میں مدد فراہم کی بلکہ اس کے تسلسل کو یقینی بنانے کے لیے بھی بھرپور کوششیں کیں، جو پورے خطے اور اس سے باہر کے لیے انتہائی اہمیت کی حامل ہیں۔

یہ بھی پڑھیں:اسلام آباد مذاکرات: بغیر کسی معاہدے کے واپس جا رہے ہیں، تاہم مستقبل میں بات چیت کے دروازے بند نہیں کیے، امریکی نائب صدر جے ڈی وینس

انہوں نے اس عزم کا اظہار کیا کہ پاکستان آئندہ دنوں میں بھی ایران اور امریکا کے درمیان مکالمے اور رابطوں کو فروغ دینے میں اپنا کردار ادا کرتا رہے گا تاکہ خطے میں پائیدار امن اور استحکام کی راہ ہموار ہو سکے۔

نائب وزیراعظم نے کہا کہ دونوں ممالک کی جانب سے جنگ بندی کے عزم اور مذاکرات میں شرکت اس بات کا ثبوت ہے کہ مسائل کے حل کے لیے سفارتکاری کو ترجیح دی جا رہی ہے، اور پاکستان اس عمل میں سہولت کار کے طور پر اپنا مثبت کردار جاری رکھے گا۔