اینٹی نارکوٹکس فورس نے انسداد منشیات کی مخلتف کارروائیوں میں بڑی مقدار میں منشیات برآمد کر لیں۔
ترجمان اے این ایف کے مطابق کوئٹہ سے پنجاب منشیات اسمگلنگ کی کوشش ناکام بناتے ہوئے پھلوں کے کارٹن میں چھپائی گئی پچاس کلو چرس برآمد کرلی گئی۔
لاہور فیصل ٹاؤن میں ٹوبہ ٹیک سنگھ کی رہائشی خاتون سے 3 کلو 600 گرام آئس برآمد کر لی گئی ۔
ترجمان اے این ایف کے مطابق پورٹ قاسم پر دبئی جانے والے کنٹینر سے 43 کلو چرس اور ایک کلو آئس برآمد کی گئی۔ منیشات کو بڑی مہارت سے ایک مشین مین چھپایا گیا تھا۔
سیالکوٹ میں انٹرنیشنل میل آفس سے امریکا بھیجے گئے پارسل سے 150 گرام ویڈ نکل آئی۔ ترجمان اے این ایف کے مطابق گرفتار ملزمان کیخلاف انسدادِ منشیات ایکٹ کے تحت مقدمات درج کر لیے گئے ہیں۔
