بھارت میں کھیلے جانے والے آئی سی سی ون ڈے ورلڈ کپ میں پاکستان کی بری کارکردگی کو ابھی شائقین بھولے نہ تھے کہ پاکستان نے شکست کی ایک اور سیریز بھی اپنے نام کر لی۔ ڈونیڈن میں کھیلے گئے تیسرے ٹی ٹوئنٹی انٹرنیشنل میچ میں نیوزی لینڈ نے پاکستان کو 45 رنز سے شکست دےکر سیریز اپنے نام کر لی۔
اس سے قبل پاکستان اور آسٹریلیا کے درمیان ٹیسٹ سیریز کے آخری میچ میں بھی آسٹریلیا نے پاکستان کو 8 وکٹوں سے شکست دے کر 3 میچوں کی سیریز میں وائٹ واش کر دیا تھا۔
پاکستان کی بدترین کارکردگی پر سماجی رابطوں کی ویب سائٹ ایکس (سابقہ ٹوئٹر) پر کرکٹ شائقین بھی شدید غم و غصے کا اظہار کر رہے ہیں۔
صحافی رضوان غلزئی نے کرکٹرز کو تنقید کا نشانہ بناتے ہوئے لکھا کہ آسٹریلیا نے وائٹ واش کردیا، نیوزی لینڈ سے کلین سویپ ہوئے تو کیا ہوا۔ سابق کرکٹرز پر مشتمل 17 رکنی انتظامیہ کا بہترین ٹِرپ لگ گیا، آفریدی نے بھانجے کو کپتان بنوا دیا، معین خان کا بیٹا کھیل گیا، کسی کی سفارش پر چیف سیلیکٹر اور کسی کی سفارش پر کوچز لگ گئے۔ آصف زرداری کی سفارش پر چیئرمین بننے والے ذکاء اشرف نے ہر کسی کی سفارش پر لبیک کرکے پاکستانیوں کی واحد انٹرٹینمنٹ کرکٹ کو بھی تباہ کردیا۔
آسٹریلیا سے وائٹ واش کردیا، نیوزی لینڈ سے کلین سویپ ہوئے تو کیا ہوا۔ سابق کرکٹرز پر مشتمل سترہ رکنی انتظامیہ کا بہترین ٹِرپ لگ گیا، آفریدی نے بھانجے کو کپتان بنوا دیا، معین خان کا بیٹا کھیل گیا، کسی کی سفارش پر چیف سیلیکٹر اور کسی کی سفارش پر کوچز لگ گئے۔ آصف زرداری کی سفارش پر…
— Rizwan Ghilzai (Student of Arshad Sharif) (@RizwanGhilzai) January 17, 2024
ایک صارف نے پاکستان کرکٹ ٹیم پر تنقید کے نشتر چلاتے ہوئے کہا کہ پاکستان کرکٹ اتنے خراب حالوں میں پہنچ چکی ہے کہ اب عوام کی کرکٹ میں دلچسپی ختم ہو چکی ہے ان حالات میں ان کا پی ایس ایل کون دیکھے گا۔
پاکستان کرکٹ اتنے خراب حالوں میں پہنچ چکی ہے کہ اب عوام کی کرکٹ میں دلچسپی ختم ہو چکی ہے ان حالات میں ان کا پی ایس ایل کون دیکھے گا
— MiMi (@dayimkhan7) January 17, 2024
ایک صارف فیاض محمود نے چیئرمین پی سی بی ذکا اشرف کو آڑے ہاتھوں لیتے ہوئے کہا کہ جب سے ان کی تقرری ہوئی ہے انہوں نے کرکٹ برباد کر کے رکھ دی ہے اور اس سفارشی کو کوئی پوچھنے والا بھی نہیں ہے۔
ذکا اشرف جب سے آیا اس نے کرکٹ برباد کردی اور اس سفارشی کو کوئی پوچھنے والا نہیں https://t.co/N5VIU48ux8
— Fiaz Mahmood (@FiazMahmood) January 17, 2024
سپورٹس جرنلسٹ حسنین لیاقت لکھتے ہیں کہ کرکٹ میچوں میں پہلے شکست کا ذمہ دار اگر کپتان ہوتا تھا تو اب کی بار بھی یہ ذمہ داری کپتان پر ہی عائد ہو گی۔ انہوں نے شاہین آفریدی کو تنقید کا نشانہ بناتے ہوئے کہا کہ کسی کا داماد اگر کسی کی آنکھ کا تارا ہو گا تو گھر اور فرینچائز میں ہو گا۔ اگر کپتانی لی ہے تو نتائج بھی بھگتنا ہوں گے۔
پہلے اگر شکستوں کا ذمہ دار کپتان ہوتا تھا تو اب بھی کپتان ہی شکستوں کا ذمہ دار ہوگا۔
کسی کا داماد ، کسی کی آنکھ کا تارا ہوگا تو گھر اور فرینچایز میں۔
کپتانی لی ہے تو نتائج بھی دینے ہونگے۔ #PAKvsNZ #PAKvNZ— Hasnain Liaquat (@iHasnainLiaquat) January 17, 2024
واضح رہے کہ قومی کرکٹ ٹیم کے مڈل آرڈر بیٹر بابر اعظم منفرد ریکارڈ اپنے نام کر کے بھی پاکستان کو فتح دلوانے میں ناکام رہے۔ بابراعظم نے 37 گیندوں پر 1 چھکے اور 8 چوکوں کی مدد سے 58 رنز کی اننگز کھیلی۔
بابر اعظم ٹی20 انٹرنیشنل میں دنیا کے دوسرے بلےباز بن گئے ہیں جنہوں نے 10 مرتبہ 50 یا اس سے زائد رنز کی اننگز کھیلی۔
