نگراں وزیر اعظم انوار الحق کاکڑ نے کہا کہ انتخابات کرانا ہماری آئینی ذمہ داری، خوش اسلوبی سے انجام دیں گے، ملک بھر میں عام انتخابات 8 فروری کو ہی ہوں گے۔
غیر ملکی میڈیا کو انٹرویو دیتے ہوئے نگراں وزیراعظم انوار الحق کاکڑ نے کہا ہے کہ پاکستان میں عام انتخابات کی تیاریاں جاری ہیں۔ انتخابات کرانا آئینی ذمہ داری ہے، جو نگراں حکومت خوش اسلوبی سے انجام دے گی، الیکشن کمیشن آئندہ عام انتخابات کے لیے آئینی تقاضے پورے کرچکا ہے۔
انوار الحق کاکڑ نے کہا کہ پاکستانی عوام کو انتخابات میں ووٹ ڈالنے کا موقع فراہم کرنا ہماری ذمہ داری ہے، اس کے ساتھ ساتھ معیشت کی بحالی ہماری اولین ترجیح رہی ہے۔ فروری کا الیکشن معاشی استحکام کی جانب ایک قدم ہوگا۔
مزید پڑھیں
’آئی ایم ایف کی تمام شرائط پوری کررہے ہیں۔‘
انہوں نے کہا کہ افغانستان میں انخلا کے بعد امریکا کے ہتھیار بلیک مارکیٹ میں فروخت ہوئے، اور دہشتگردوں کے ہاتھ لگے ہیں۔ نگراں حکومت نے عوام کے تحفظ کے لیے افغان مہاجرین کی باعزت واپسی کا قدم اٹھایا۔
چین کے حوالے سے بات چیت کرتے ہوئے نگراں وزیر اعظم انوار الحق کاکڑ نے کہا کہ چین کے ساتھ قریبی اسٹریجک شراکت داری ہے، خطے کی صورت حال پاک چین تعلقات پر اثر انداز نہیں ہوسکتی۔
Brian Sikes, CEO of Cargill Inc called on the Prime Minister today on the sidelines of the 54th Annual Meeting of the World Economic Forum in Davos, Switzerland. The Prime Minister emphasized the immediate need to realize the true potential of Pakistan’s agricultural sector by… pic.twitter.com/zoSOVnI2OM
— Prime Minister's Office (@PakPMO) January 16, 2024
نگراں وزیر اعظم انوار الحق کاکڑ ان دنوں سوئیٹزرلینڈ کے دورے پر ہیں، جہاں وہ میں ورلڈ اکنامک فورم میں شرکت کر رہے ہیں۔
Caretaker Prime Minister Anwaar-ul-Haq Kakar meets Sri Lankan President Ranil Wickremesinghe on the sidelines of the World Economic Forum in Davos, today. #PMKakarAtWEF#WorldEconomicForum pic.twitter.com/hGAZzaEMlg
— Prime Minister's Office (@PakPMO) January 16, 2024
نگراں وزیر اعظم نے سائیڈ لائن پر سری لنکا کے صدر سے بھی ملاقات کی ہے، دونوں رہنماؤں کے درمیان باہمی دلچسپی کے امور پر تبادلہ خیال بھی کیا گیا ہے۔