وفاقی وزیر شیری رحمان نے کہاہے کہ خواتین ہمارے خاندانی نظام اور معاشرے میں ریڑھ کی ہڈی کی مانند ہیں، ملک بھر کی عورتوں کو صحت تعلیم اوردیگر بنیادی سہولیات، برابری کا ماحول ملنا چاہئے ۔
وزیر ماحولیاتی تبدیلی سینیٹرشیری رحمان نے عورتوں کے عالمی دن سے متعلق سوشل میڈیا ٹوئٹر پر اپنے پیغام میں کہا ہے کہ پاکستانی جرات مند، محنتی بہادر خواتین کو خراج تحسین اور مبارکباد پیش کرتی ہوں ،یہ دن منانے کا مقصد خواتین کی حوصلہ افزائی اور حقوق تسلیم کرنا ہے،خواتین ہمارے خاندانی نظام اور معاشرے میں ریڑھ کی ہڈی کی مانند ہیں ۔
وفاقی وزیر کاکہناتھا کہ عورتوں کے حقوق کو تسلیم کرنا مساوی حیثیت سے متعلق لوگوں میں بیداری پھیلانا ہے،پاکستان کی 49 فیصد آبادی عورتوں پر مشتمل ہے، ہماری عورتیں زندگی کے ہر شعبے میں ریڑھ کی ہڈی کی مانند ہیں ،ملک بھر کی عورتوں کو صحت تعلیم اوردیگر بنیادی سہولیات، براری کا ماحول ملنا چاہئے ۔
وزیر ماحولیاتی تبدیلی نے کہا کہ آج ہماری عورتیں زیادہ نہیں بلکہ اپنے انسانی آئینی قانونی حقوق کا مطالبہ کر رہی ہیں،عورتوں کو آئین،قانون کے مطابق اپنے حقوق، مقام ملنا چاہئے۔
عورتوں کے عالمی دن کے موقع پر پاکستان کی جرات مند، محنتی اور بہادر عورتوں سمیت دنیا بھرکی عورتوں کو خراج اور مبارکباد پش کرتی ہوں
اس دن منانے کا مقصد عورتوں کی حوصلہ افزائی کرنا، ان کے حقوق کو تسلیم کرنا اور عورتوں کے مساوی حیثیت کے حوالے سے لوگوں میں بیداری پھیلانا ہے
آج ہماری… https://t.co/aiTUeetWdt pic.twitter.com/ENGP8Cj5Dt— SenatorSherryRehman (@sherryrehman) March 8, 2023
