نگراں وزیراعظم انوارالحق کاکڑ نے پاکستان اور ایران کے درمیان حالیہ کشیدگی کے بعد اپنا دورہ ڈیووس مختصر کر دیا ہے۔ وہ آج رات وطن واپس پہنچیں گے۔
Related Posts
میڈیا رپورٹس کے مطابق نگراں وزیراعظم انوارالحق کاکڑ عالمی اقتصادی فورم (ڈبلیو ای ایف) کے 54ویں سالانہ اجلاس میں شرکت کے لیے 14 جنوری کو ڈیووس پہنچے تھے، انہوں نے 22 جنوری کو واپس آنا تھا۔ تاہم ایران کی طرف سے پاکستان میں دراندازی کے تناظر میں انہوں نے اپنا دورہ مختصر کرنے کا فیصلہ کرلیا۔
نگراں وزیراعظم نے اپنے دورہ ڈیووس کے دوران امریکی صدر کے نمائندہ خصوصی برائے موسمیات جان کیری اور سری لنکن صدر کے علاوہ ایرانی وزیرِ خارجہ حسین امیر عبداللہیان سے بھی ملاقات کی۔
واضح رہے کہ ایرانی وزیر خارجہ سے ان کی ملاقات ایران کی جانب سے بلوچستان میں میزائل حملے سے ایک روز پہلے ہوئی تھی۔