جلیل عباس جیلانی کی ایرانی ہم نصب سے دوبارہ مثبت بات چیت

جمعہ 19 جنوری 2024
icon-facebook icon-twitter icon-whatsapp

پاکستان اور ایران کے درمیان کشیدگی کی صورتحال کے بعد دونوں ممالک کے وزرائے خارجہ ایک بذریعہ ٹیلی فون ایک مرتبہ پھر رابطہ ہوا ہے جس میں طرفین کی جانب سے مثبت خیالات کا اظہار کیا گیا۔

پاکستان کے نگراں وزیرخارجہ جلیل عباس جیلانی اور ایرانی وزیر خارجہ حسین امیر عبداللہیان کے درمیان ہونے والیگفتگو میں دونوں نے حالیہ تناؤ ختم کرنے پر اتفاق کیا۔

ترجمان وزارت خارجہ ممتاز زہرہ بلوچ نے جلیل عباس جیلانی اپنے ایرانی ہم منصب سے ٹیلی فونک رابطے کی تصدیق کی ہے۔

یاد رہے دونوں ممالک کے وزرائے خارجہ نے 17 جنوری سے پیش آنے والے ناخوشگوار واقعات کے بعد ایک دوسرے سے دوسری مرتبہ رابطہ کیا ہے۔

اب پاکستان اور ایران کے درمیان کشیدگی میں کمی کے آثار نظر آنے لگے ہیں اور دونوں ممالک کے درمیان سرکاری سطح پر مثبت پیغامات کا تبادلہ بھی ہو رہا ہے جس کی ایک مثال دونوں وزرائے خارجہ کے مابین یہ حالیہ رابطہ ہے۔

دریں اثنا ایران کے سفارتکار سید رسول موسوی نے سوشل میڈیا پر جاری اپنے بیان میں تسلیم کیا کہ دونوں ممالک کے رہنما اور اعلیٰ حکام جانتے ہیں کہ حالیہ تناؤ کا فائدہ ہمارے دشمنوں اور دہشت گردوں کو ہوگا۔

ایرانی عہدیدار کے بیان پر رد عمل دیتے ہوئے پاکستانی وزارتِ خارجہ کے ایڈیشنل سیکریٹری رحیم حیات قریشی نے بھی سید رسول موسوی کو بھائی کہل کر مخاطب کرتے ہوئے کہا کہ’آپ کے جذبات کی قدر کرتا ہوں پیارے بھائی رسول موسوی‘۔

رحیم حیات قریشی نے یقین ظاہر کیا کہ پاکستان اور ایران مثبت بات چیت کے ذریعےمسائل حل کرنے کے لیے آگے بڑھیں گے کیوں کہ دہشت گردی سمیت ہمارے مشترکہ چیلنجز کے لیے مربوط کارروائی کی ضرورت ہے۔

مزید برآں پاکستان میں تعینات ایرانی سفیر رضا امیری مقدم نے دونوں ممالک کو برادرہمسایہ اور دوست ملک قرار دیا ہے۔

سوشل میڈیا پر اپنے پیغام میں ایرانی سفیر نے کہا کہ ایران اور پاکستان نے مختلف میدانوں اور مشکل اوقات میں ہمیشہ ایک دوسرے کا ساتھ دیا ہے اور دونوں ہی ممالک ایک جیسے خطرات سے دوچار ہیں۔

یاد رہے کہ 17 جنوری کو ایران کی جانب سے پاکستانی حدود میں میزائل حملے کے نتیجے میں 2 معصوم بچے جاں بحق اور 3 بچیاں زخمی ہو گئی تھیں تاہم اس خلاف ورزی کے 48 گھنٹوں کے اندر پاکستان نے 18 جنوری کو ایرانی صوبے سیستان میں دہشت گردوں کے ٹھکانوں پر حملہ کردیا تھا جس میں متعدد دہشت گرد مارے گئے تھے اور جن کے بارے میں ایران کا بھی کہنا تھا کہ وہ ان کے شہری نہیں تھے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

محسن نقوی کا نواب شاہ کا اچانک دورہ، صدر آصف علی زرداری کو اہم پیغام پہنچایا

ایران سے کسی ڈیل کی ضرورت نہیں، جے ڈی وینس امن معاہدے کی کوشش کے بجائے ملک میں کرپشن پر توجہ دیں، ڈونلڈ ٹرمپ

پیٹرولیم مصنوعات کی قیمتوں میں کمی کا سلسلہ جاری، ڈیزل 4 روپے اور پیٹرول 3 روپے فی لیٹر سستا

خواجہ سعد رفیق نے عمران خان سے ملاقاتوں کو 28ویں آئینی ترمیم اور گورنر راج سے جوڑ دیا

مستونگ، فورسز نے بارود سے بھری گاڑی تباہ کر کے دہشتگردی کا بڑا منصوبہ ناکام بنا دیا، کارروائی میں 3 دہشتگرد ہلاک

ویڈیو

کوہاٹ میں سونے کی غیرقانونی کان کنی اور عسکریت پسندوں کا گٹھ جوڑ : حکومت کیا کرنے جارہی ہے؟

تربیلا ڈیم توسیعی منصوبے میں حادثہ، خیبرپختونخوا میں بجلی کا بحران شدت اختیار کرگیا

کیا بشریٰ بی بی کی اڈیالہ جیل سے رہائی کے امکانات بڑھ گئے ہیں؟

کالم / تجزیہ

فلسفہ وغیرہ !

جے یو آئی تحریک انصاف کے راستے پر؟

پانچ سوال، جو امریکا کے مستقبل کا فیصلہ کریں گے