پاکستانی کرکٹ ٹیم کے سابق کپتان شعیب ملک کے بھائی عدیل ملک نے اپنی تیسری بھابھی اداکارہ ثنا کے ساتھ نئے سسرال میں ان کے استقبال کی تصویر سوشل میڈیا پر تصویر جاری کی ہے۔
شعیب ملک کے بھائی عدیل ملک نے اپنی نئی بھابھی ثنا کو اپنی فیملی میں خوش آمدید کہتے ہوئے ایک تصویر فوٹو اینڈ ویڈیو شیئرنگ ایپ انسٹاگرام پر جاری کی ہے۔ تصویر میں شعیب ملک اور ثنا کے درمیان عدیل ملک کو کھڑے دیکھا جاسکتا ہے۔ عدیل ملک نے پوسٹ اپنے بھائی اور بھابھی کو ٹیگ کرتے ہوئے لکھا کہ ’ملک فیملی میں خوش آمدید بھابھی، دونوں ہمیشہ خوش رہیں۔‘
اسی کیپشن کے ساتھ جاری کی گئی اسٹوری کو شعیب ملک اور ثنا نے اپنی انسٹاگرام اسٹوری پر ری شیئر بھی کیا۔ ثنا نے اپنے دیور کا شکریہ ادا کیا اور ساتھ میں لکھا کہ ’آمین، شکریہ علی۔‘
View this post on Instagram
عدیل ملک کی اس پوسٹ کے کمنٹ سیکشن میں سوشل میڈیا صارفین دعائیہ کمنٹس لکھنے کے بجائے اس شادی پر تنقید کرتے ہوئے اس کو وقتی اُبال قرار دیتے نظر آئے، ایک صارف نے لکھا کہ 4 دن کی چاندنی ہے پھر اندھیری رات ہے جبکہ ایک صارف کا کہنا تھا کتنی بھابھیوں کو ویلکم کریں گے۔
مزید پڑھیں
گزشتہ روز شعیب ملک نے پاکستانی گلوکار عمیر جسوال کی سابق منکوحہ ثنا جاوید سے تیسری شادی کی تصاویر سوشل میڈیا پر جاری کرکے سب کو حیران کردیا تھا۔ شادی کی تصاویر سوشل میڈیا پر جنگل کی آگ کی طرح پھیل گئیں اور نوبیاہتا جوڑی کو شدید تنقید کا سامنا کرنا پڑا تھا۔
سوشل میڈیا صارفین نے شعیب ملک کا سابق اہلیہ بھارتی ٹینس اسٹار ثانیہ مرزا کو چھوڑ کر ثنا جاوید سے شادی کرنا پسند نہیں آیا، بیشتر صارفین عمیر جسوال کو ملنے والے دھوکے پر بھی آنسو بہاتے نظر آئے تھے۔
گزشتہ برس ستمبر میں عمیر جسوال کے بھائی کی شادی میں ثنا اور عمیر جسوال کی عدم موجودگی، ان کے درمیان علیحیدگی کی افواہوں کو جنم دے گئی تھی لیکن ثنا اور عمیر نے معاملے پر کوئی مؤقف جاری نہیں کیا تھا۔