سینیئر سیاستدان جاوید ہاشمی عام انتخابات سے دستبردار ہو گئے ہیں۔
جاوید ہاشمی نے سماجی رابطے کی ویب سائٹ ’ایکس‘ پر اپنے ایک بیان میں کہا ہے کہ اینٹی اسٹیبلشمنٹ ہوتے ہوئے اپنا سیاسی وزن تحریک انصاف اور عمران خان کے پلڑے میں ڈالتا ہوں اور الیکشن سے دستبردار ہوتا ہوں۔
اینٹی اسٹیبلشمنٹ ہوتے ہوئے اپنا سیاسی وزن تحریک انصاف اور عمران خان کے پلڑے میں ڈالتا ہوں اور الیکشن سے دستبردار ہوتا ہوں۔
— Javed Hashmi (@JavedHashmiJH) January 22, 2024
واضح رہے کہ جاوید ہاشمی 2011 میں مسلم لیگ ن کو چھوڑ کر تحریک انصاف میں شامل ہوئے تاہم بعد میں عمران سے اختلاف کے باعث 2014 میں ان سے علیحدگی اختیار کر لی تھی۔
جاوید ہاشمی پی ٹی آئی سے علیحدگی کے بعد باضابطہ طور پر مسلم لیگ ن میں شامل نہیں ہوئے تھے تاہم وہ خود کو مسلم لیگی ظاہر کرتے ہوئے اعلیٰ قیادت سے ملاقاتوں کے علاوہ تقریبات میں بھی شرکت کرتے رہے ہیں۔
یہ بھی یاد رہے کہ 2014 میں تحریک انصاف سے علیحدگی کے وقت جاوید ہاشمی نے عمران خان پر اسٹیبلشمنٹ کی قربت کا الزام عائد کیا تھا۔