نگراں وفاقی حکومت نے 5 فروری یوم یکجہتی کشمیر پر ملک بھر میں عام تعطیل کا اعلان کر دیا ہے۔
نگراں وفاقی کابینہ ڈویژن کی جانب سے جاری نوٹیفکیشن میں کہا گیا ہے کہ 5 فروری کو کشمیری عوام کے ساتھ اظہار یکجہتی کے موقع پر ملک بھر میں عام تعطیل ہو گی۔
نوٹیفکیشن میں کہا گیا ہے کہ کشمیری شہدا کے لیے 5 فروری کو صبح 10 بجے ایک منٹ کے لیے خاموشی بھی اختیارکی جائے گی۔
واضح رہے کہ کشمیری عوام کے ساتھ وابستگی کے طور پر یوم یکجہتیٔ کشمیر ہر سال 5 فروری کو منایا جاتا ہے اس دن دُنیا کو یہ پیغام پہنچانے کی کوشش کی جاتی ہے کہ جموں کشمیر کے عوام اقوام متحدہ کی قراردادوں کے مطابق اپنا حق خودارادیت مانگ رہے ہیں وہ ان کا بنیادی حق ہے جو اقوام متحدہ کے چارٹر میں بھی تسلیم کیا گیا ہے۔
