نئے کرنسی نوٹوں کے ڈیزائن کی تیاری کے لیے مقابلے کا اعلان

پاکستان میں نئے کرنسی نوٹوں کی تیاری کے پہلے مرحلے میں اسٹیٹ بینک آف پاکستان نے نئے ڈیزائن کے لیے آرٹ مقابلے کا اعلان کیا ہے۔

اسٹیٹ بینک کی جانب سے جاری علامیے کے مطابق 7مختلف مالیت کے نئے کرنسی نوٹوں کی سریز کو ڈیزائن کرکے انہیں جاری کرنے عمل کا آغاز کردیا ہے۔

#SBP launches an Art Competition for new banknote designs. Artists, designers and art students can send their designs to SBP by Mar 11, 2024.
For details: https://t.co/IA6c1h6py4#ArtCompetition #SBPBanknotes pic.twitter.com/OD6XPcdFVj

— SBP (@StateBank_Pak) January 30, 2024

عام طور پر نئے کرنسی نوٹوں کے اجرا میں 2 سے 3 سال کا عرصے چاہیے ہوتا ہے، تاہم اسٹیٹ بینک 2 سال میں نئے کرنسی نوٹ متعارف کرنا چاہتا ہے۔

یہ مقابلہ 10، 20 ، 50، 100، 500، 1000 اور 5000 روپے مالیت کے 7 نوٹوں کے لیے ہے،اعلامیے کے مطابق مقابلے میں شرکت کے خواہشمند کو پر نوٹ کے 3-3 ڈیزائن جمع کروانا ہوں گے۔ امیدوار اپنے ڈیزائن 11 مارچ 2024 تک اسٹیٹ بینک کی ویب سائٹ پر جمع کرو اسکیں گے۔

اعلامیے کے مطابق نئے کرنسی نوٹوں کو حتمی شکل دے کر انہیں حکومت پاکستان کی منظوری کے لیے بھیجا جائے گا۔ حکومتی منظوری کے بعد نئے کرنسی نوٹوں کی سیریز کا اجرا ہوگا۔