اڈیالہ جیل میں توشہ خانہ ریفرنس کی سماعت کے دوران احتساب عدالت اسلام اباد کے جج محمد بشیر کی طبیعت خراب ہونے پر انہیں جیل اسپتال منتقل کردیا گیا جس کے بعد سماعت بدھ تک ملتوی کردی گئی۔
قبل ازیں سماعت کے دوران بانی چیئرمین پی ٹی ائی عمران خان کی اہلیہ بشریٰ بی بی کا دفعہ 342 کے تحت بیان قلم بند کیا گیا جبکہ عمران خان کا بیان بدھ کو قلم بند کیا جائے گا۔
مزید پڑھیں
بدھ کو ملزمان کی جانب سے گواہان صفائی کی لسٹ بھی عدالت میں پیش کی جائے گی۔
عدالت نے بشریٰ بی بی کا 342 کا بیان قلمبند کیا۔ انہیں 25 سوالوں پر مشتمل سوال نامہ دیا گیا تھا۔
سماعت کے دوران عمران خان کے وکلا نے حق جرح بحال کرنے کی درخواست دائر کی جو دلائل سننے کے بعد عدالت نے مسترد کردی۔
وکلا صفائی نے 342 کا بیان ریکارڈ کرنے کے لیے دو دن کا وقت مانگا تھا تاہم عدالت نے وہ استدعا مسترد کردی تھی۔
احتساب عدالت کے جج محمد بشیر نے سماعت میں 6 بار وقفہ کیا۔
