معروف گلوکار راحت فتح علی خان ایک باصلاحیت پاکستانی گلوکار ہیں۔ حال ہی میں ان کے حوالے سے سوشل میڈیا پر ایک ویڈیو سامنے آئی جس میں انہیں اپنے شاگرد پر تشدد کرتے ہوئے دکھایا گیا ہے، راحت فتح علی خان نے شدید عوامی ردِ عمل کے بعد اس پر عوام سے معافی مانگ لی ہے۔
مزید پڑھیں
راحت فتح علی خان نے ایک پوڈ کاسٹ میں اس ویڈیو سے متعلق معاملے پر وضاحت کرتے ہوئے اپنے خلاف شدید عوامی رد عمل پر معافی بھی مانگی ہے۔
پوڈ کاسٹ میں راحت فتح علی خان کا کہنا ہے کہ میں اعتراف کرتا ہوں کہ میں نے اپنے شاگرد کو ڈانٹا اور اسے مارا پیٹا بھی تھا لیکن مجھے جب اپنی اس غلطی کا احساس ہوا تو میں نے فوراً اس پر معافی بھی مانگ لی۔
Famous singer Rahat Fateh Ali khan beating his servent for bottle of Alcohol pic.twitter.com/9DZwYxgPmV
— Ghulam Abbas Shah (@ghulamabbasshah) January 27, 2024
راحت فتح علی خان نے یہ بھی کہا کہ انہوں نے اپنے شاگردوں خاص طور پر نوید کے والد کا کردار ادا کیا جو ان کے کافی قریب ہیں کیونکہ ان کے والد نصرت فتح علی خان اور ان کی فیملی کے ساتھ 40 سال سے زیادہ عرصے سے کام کر رہے ہیں۔
انہوں نے یہ بھی کہا کہ وہ نوید کے والد اور ان کی بیٹیوں کی فیملی ممبر کی طرح دیکھ بھال کرتے ہیں۔ راحت فتح علی کا مزید کہنا تھا کہ وہ نہیں چاہتے کہ میڈیا ان کے خیراتی کاموں کے بارے میں بات کرے کیونکہ انہوں نے کبھی پروموشن کے لیے ایسا نہیں کیا۔
راحت فتح علی خان نے زور دے کر کہا کہ وہ جس بوتل کی بات کر رہے تھے وہ مقدس پانی (دم والا پانی) کی تھی جو انہیں اپنے پیر صاحب (مذہبی استاد) سے ملی تھی۔
راحت فتح علی خان نے اپنی معافی کی ویڈیو میں کہا کہ میں راحت فتح علی خان ہوں۔ آج میں اپنے رویے پر معافی مانگنا چاہتا ہوں۔ میں اللہ سے معافی مانگنا چاہتا ہوں، انسان اور فنکار ہونے کے ناطے مجھے ایسا کچھ نہیں کرنا چاہیے تھا۔
Update : Rahat Fateh Ali Khan ( @RFAKWorld )issued a clarification regarding his viral video, There was holy water in the bottle pic.twitter.com/oIStHwWXFp
— Ghulam Abbas Shah (@ghulamabbasshah) January 27, 2024
ان کا کہنا تھا کہ میں اپنے اہل خانہ، دوستوں اور اپنے مداحوں سے معافی مانگتا ہوں۔ میں مستقبل میں ایسی غلطی کبھی نہیں کروں گا۔ یہ ویڈیو 9 ماہ پرانی ہے، میں ان لوگوں کو جانتا ہوں جو اس کے پیچھے ہیں، وہ مجھے بدنام کر رہے ہیں۔
ان کا کہنا تھا کہ میں اپنے اس رویے پر شرمندہ ہوں، میں ان لوگوں کا احترام کرتا ہوں جنہوں نے میرا بائیکاٹ کیا، انہوں نے وہی کیا جو انہیں صحیح لگا۔ یہ میرے سیکھنے کے لیے ایک سبق ہے لیکن میں ہمیشہ گاتا رہوں گا۔ میں مستقبل میں ایسا کچھ نہیں کروں گا۔