ورجینیا کے 11 سالہ لڑکے نے 1 منٹ میں فنگر بورڈ پر سب سے زیادہ اولیز بنانے کا گنیز ورلڈ ریکارڈ اپنے نام کر لیا۔
نیا ریکارڈ قائم کرنے والے لڑکے جولین کزما نے کہا کہ انہیں فنگر بورڈز سے ان کے دوستوں نے متعارف کرایا تھا۔ انہوں نے مزید کہا کہ انہوں نے خوب پریکٹس کی اور وہ اس میں ماہر ہوگئے۔
مزید پڑھیں
جولین نے کہا کہ ’میں ہر جگہ فنگربورڈ کھیلنا شروع کردیتا ہوں خواہ وہ اسکول میں دوپہر کے کھانے کا وقفہ ہو، میں گھر پر ہوں یا والدہ اور بہن کے ساتھ شاپنگ پر گیا ہوتا ہوں‘۔
کزما نے 1 منٹ میں فنگر بورڈ پر سب سے زیادہ اولیز بنانے کے گنیز ورلڈ ریکارڈ کو چیلنج کرنے کا فیصلہ کیا۔ اولی ایک چال ہے جہاں بورڈ کے چاروں پہیے زمین چھوڑ دیتے ہیں اور پھر واپس زمین پر آجاتے ہیں۔
جولین نے 1 منٹ میں 128 اولی کے ساتھ کامیابی سے ریکارڈ توڑ دیا۔ انہوں نے کہا کہ وہ مستقبل میں مزید فنگر بورڈنگ ریکارڈز کے حصول کی کوشش کریں گے۔
