ملتان کے حلقہ این اے 148 میں انتخابی مہم کے دوران سابق وزیراعظم سید یوسف رضا گیلانی اور پی ٹی آئی کے امیدوار بیرسٹر تیمور الطاف ملک کی ملاقات ہوئی، دونوں امیدوار ایک دوسرے سے گلے ملے اور دلچسپ جملوں کا تبادلہ ہوا۔
تفصیلات کے مطابق ملتان کے حلقہ این اے 148 میں پاکستان پیپلز پارٹی کے امیدوار و سابق وزیراعظم سید یوسف رضا گیلانی اور مخالف امیدوار پی ٹی آئی کے بیرسٹر تیمور الطاف ملک کی انتخابی مہم کے دوران ملاقات ہوگئی اس دوران دونوں امیدوار ایک دوسرے سے خوشگوار انداز میں مسکراتے ہوئے گلے ملے اور خیریت دریافت کی۔
مزید پڑھیں
سوشل میڈیا سائٹ ایکس پر دونوں کی ملاقات کی وائرل پوسٹ میں صاف نظر آرہا ہے کہ دونوں امیدوار پرتپاک انداز میں ایک دوسرے سے ملے۔ اس موقع پر پیپلز پارٹی کے ایک ورکر نے کہا کہ میں آپ سے گیلانی صاحب کا ووٹ مانگ لوں، دوسرے ورکر نے بیرسٹر تیمور الطاف سے کہا کہ یوسف رضا گیلانی بارے کہہ دیں کہ اللہ آپ کو کامیاب کرے۔
اس پر دونوں امیدواروں کی جانب سے قہقہہ لگا اور تیمور الطاف ملک نے کہا کہ یہ میں نہیں کہہ سکتا، یہ کہہ سکتا ہوں کہ اللہ عمران خان کو کامیاب کرے اس موقع پر دونوں امیدوار ہنستے ہوئے چلے گئے۔
This is the kind of politics we need in Pakistan !!
Say NO to politics of hate !ملتان این اے 148 میں بازار میں کمپیئن پر اچانک دونوں امیدوار سابقہ وزیر اعظم یوسف رضا گیلانی صاحب پی پی کے اور بیرسٹر تیمور مرزا صاحب پی ٹی آئی کی ملاقات پر دلچسب جملوں کا تبادلہ 👆👆👆👆👆 pic.twitter.com/nCXn7cbpXX
— Fiza Batool Gilani (@Fiza_Gilani) February 1, 2024
یوسف رضا گیلانی کی بیٹی فضا بتول گیلانی نے ایکس پر پوسٹ شیئر کرتے ہوئے لکھا کہ ہمیں پاکستان میں اسی طرز کی سیاست چاہیے، نفرت کی سیاست کو ختم کر دینا چاہیے۔
واضح رہے ملتان این اے 148 کے بازار میں انتخابی مہم کے دوران اچانک دونوں امیدوار سابق وزیر اعظم یوسف رضا گیلانی اور بیرسٹر تیمور مرزا کی پرتپاک ملاقات ہوئی، اور دلچسب جملوں کا تبادلہ خیال ہوا، جسے سوشل میڈیا پر تمام پارٹیوں کے کارکنان اور صارفین کی جانب سے سراہا جا رہا ہے۔