پاکستان مسلم لیگ ن کے قائد نواز شریف نے گوجرانوالہ میں انتخابی مہم کے جلسے کے دوران اپنے بھائی و سابق وزیراعلیٰ پنجاب شہباز شریف کا ہاتھ جوڑ کر شکریہ ادا کیا۔
نواز شریف نے جلسہ عام سے خطاب کرتے ہوئے کہاکہ یہاں جو تعمیر و ترقی ہوئی ہے یہ سب شہباز شریف نے کی مگر وہ کریڈٹ مجھے دیتے ہیں۔
یہ سوشل میڈیا پر طوفان بدتمیزی مچا کر کہتے ہیں کہ یوتھ ہمارے ساتھ ہے او بھئی یہ ہے اصل یوتھ پاکستان کی۔
قائد مسلم لیگ (ن) محمد نوازشریف#گوجرانوالہ_شیر_کا pic.twitter.com/sl0BNz084z
— PMLN (@pmln_org) February 3, 2024
قائد مسلم لیگ ن نے اپنے بھائی شہباز شریف کا ہاتھ جوڑ کر شکریہ ادا کیاکہ آپ کام خود کرنے کے باوجود مجھے کریڈٹ دے رہے ہیں۔
اس موقع پر جلسہ عام سے صدر پاکستان مسلم لیگ ن شہباز شریف، چیف آرگنائزر ن لیگ مریم نواز شریف، خرم دستگیر خان اور دیگر نے بھی خطاب کیا۔
واضح رہے کہ 8 فروری کو ہونے والے پاکستان کے عام انتخابات کے لیے سیاسی جماعتوں کی انتخابی مہم جاری ہے۔ پاکستان مسلم لیگ ن اور پاکستان پیپلزپارٹی سمیت دیگر سیاسی جماعتیں ملک کے مختلف شہروں میں جلسے کر رہی ہیں۔