انتخابی مہم کے سلسلے میں ایم کیو ایم کے امیدوار خالد مقبول صدیقی کے حلقے میں طیاروں کے ذریعے پمفلٹ گرائے جائیں گے، خالد مقبول صدیقی کراچی سے قومی اسمبلی کے حلقے این اے 248 سے لڑ رہے ہیں۔ مہم کے لیے نجی ایوی ایشن کمپنی آج 3 خصوصی پروازیں چلائے گی۔ نوابشاہ میں بھی طیاروں کے ذریعے فضا سے پمفلٹ گرائے جائیں گے۔
مزید پڑھیں
الیکشن 2024 کے لیے آج ایم کیو ایم پاکستان کے کنوینر خالد مقبول صدیقی کے لیے فضائی انتخابی مہم کے لیے طیاروں سے پمفلٹ گرائے جائیں گے۔ فضا سے طیاروں کے ذریعے پہلی بار انتخابی مہم چلانے کے لیے امیدواروں کے درمیان مقابلے میں اضافہ ہوا ہے۔
گزشتہ روز پیپلزپارٹی کے امیدوار سلیم مانڈوی والا کے حلقے این اے 240 میں انتخابی مہم کے لیے طیاروں سے پمفلٹ گرائے گئے تھے۔ نجی ایوی ایشن کمپنی کو سول ایوی ایشن اتھارٹی نے سیاسی جماعتوں کے امیدواروں کی طیاروں کے ذریعے مہم کے لیے خصوصی پروازوں کی اجازت دے رکھی ہے۔