نگران وفاقی وزیر اطلاعات و نشریات مرتضیٰ سولنگی نے گزشتہ شب اڈیالہ جیل سے سابق وزیراعظم عمران خان کی تصویر لیک ہونے کے معاملے پر ردعمل دیتے ہوئے کہا ہے کہ وفاقی حکومت جو بھی ضروری کارروائی ہوگی، کرے گی۔
وی نیوز سے گفتگو کرتے ہوئے ان کا کہنا تھا کہ انہوں نے عمران خان کی تصویر ابھی دیکھی ہے، تاہم وہ اس تصویر کے بارے میں تصدیق نہیں کرسکتے، اگر یہ اڈیالہ جیل کے اندر بنی ہے تو اس حوالے سے جو بھی ضروری کارروائی سمجھی جائے گی وہ کریں گے۔
انتخابات سے متعلق غیر یقینی صورتحال پر ان کا کہنا تھا کہ اس بارے میں کچھ بھی غیر متوقع نہیں تھا۔ بعض لوگ اس حوالے سے غلط فہمیاں ضرور پھیلا رہے تھے لیکن ایسا کچھ نہیں ہے۔
