وزات قومی صحت نے اعلان کیا ہے کہ پشاور اور سبی کے 2 ماحولیاتی نمونوں میں پولیو وائرس کی تصدیق ہوئی ہے۔
ترجمان وزارت قومی صحت نے منگل کو اپنے بیان میں کہا کہ ملک کے 2 اضلاع سے 2 ماحولیاتی نمونوں میں پولیو وائرس پائے گئے ہیں۔
مزید پڑھیں
صوبہ بلوچستان کے ضلع سبی کے ایک نمونے میں پولیو وائرس کی تصدیق ہوئی جبکہ صوبہ خیبرپختونخوا کے ضلع پشاور کے ایک نمونے میں بھی پولیو وائرس پایا گیا۔
ترجمان نے کہا کہ نمونوں میں پائے جانے والے وائرس کا تعلق سرحد پار سے ہے۔ انہوں نے بتایا کہ 26 فروری سے ملک گیر پولیو مہم کا انعقاد کیا جارہا ہے۔
وزارت صحت کے ترجمان نے والدین سے اپیل کی کہ پولیو ورکرز کے لیے دروازہ کھولیں اور بچوں کو پولیو سے بچاؤ کے قطرے لازمی پلوائیں۔
