مجلس وحدت المسلمین (ایم ڈبلیو ایم) کے سربراہ علامہ راجا ناصر عباس نے کہا ہے کہ ہم بلامشروط تحریک انصاف کے ساتھ ہیں اور عمران خان کا جو بھی فیصلہ ہوگا اس سے پیچھے نہیں ہٹیں گے۔
پاکستان تحریک انصاف نے وفاق اور پنجاب میں مجلس وحدت المسلمین جبکہ خیبرپختونخوا میں جماعت اسلامی کے ساتھ مل کر حکومت بنانے کا اعلان کیا ہے۔
مزید پڑھیں
راجا ناصر عباس نے کہاکہ ہم تحریک انصاف کے مشکل وقت کے ساتھی ہیں، عام انتخابات میں جس طرح دھاندلی کی گئی یہ نہیں ہونا چاہیے تھا، شفاف الیکشن ہوتے تو ملک آگے نکل جاتا۔
انہوں نے کہاکہ ہم پاکستان کو غلامی سے نجات دلانے کے لیے عمران خان کے ساتھ کھڑے ہیں۔ ہمارا کوئی ذاتی مقصد یا ایجنڈا نہیں۔ وطن کی بقا کے لیے خون کے آخری قطرے تک پی ٹی آئی کے ساتھ ہیں۔
راجا ناصر عباس نے کہاکہ عوامی رائے پر ڈاکا ڈالنے کے اچھے نتائج سامنے نہیں آتے۔
