کھانے کے حوالے سے پاکستان اور ہندوستان کا ورثہ ایک ہی ہے، سرحد کے دونوں پار ایک ہی طرح کے کھانے پسند کیے جاتے ہیں۔ سردی کے موسم کا بھرپور مزہ لینے کے لیے حلوہ جات کا خصوصی استعمال کیا جاتا ہے۔
گاجر کا حلوہ
اجزاء:
گاجر(کدوکش) ایک کلو، چینی ایک پیالی، چھوٹی الائچیاں 8 عدد، کھویا 250 گرام، گھی(پگھلا ہوا) ½پیالی، چاندی کا ورق، بادام، پستے(باریک کٹے ہوئے )سجانے کے لیے
ترکیب:
دیگچی میں گاجر، الائچیاں اور چینی ڈالیں اور ڈھکن ڈھانک کر گاجر کا پانی خشک ہونے تک پکائیں۔ اس میں گھی ڈالیں اور خوب بھون کر چولہا بند کردیں، پھر کھویا ملا کر چھوڑ دیں۔ ½گھنٹے کے بعد اچھی طرح سے ملائیں اور ڈش میں نکال لیں۔ مزیدار حلوہ چاندی کے ورق، بادام اور پستے سے سجا کر پیش کریں۔
