قومی کرکٹ ٹیم کے سابق ڈائریکٹر محمد حفیظ نے کہا ہے کہ میں نے ہمیشہ پاکستان کو ترجیح دی ہے، اور مثبت ریفارمز کی خاطر ہی ٹیم ڈائریکٹر کا عہدہ قبول کیا تھا۔
سماجی رابطے کی ویب سائٹ ’ایکس‘ پر اپنے ایک بیان میں انہوں نے کہاکہ مجھے 4 سال تک کے لیے ٹیم ڈائریکٹر کے عہدے کی پیشکش کی گئی تھی لیکن نئے چیئرمین کے آتے ہی اسے 2 ماہ تک محدود کر دیا۔
I always Prioritise and represented Pakistan with dignity and Pride. I accepted the new role as a Director pcb with great passion to make positive reforms but Unfortunately my designated tenure which was offered by @TheRealPCB for 4 years was cut short for 2 mnths on the account…
— Mohammad Hafeez (@MHafeez22) February 16, 2024
محمد حفیظ نے کہاکہ میں بحیثیت ٹیم ڈائریکٹر جتنے عرصہ تک ٹیم کے ساتھ رہا ہر چیز کی ذمہ داری لیتا ہوں۔ میں ٹیم کی خراب کارکردگی کی وجوہات سامنے لاؤں گا۔
محمد حفیظ نے اپنے بیان میں پاکستان کے لیے نیک خواہشات کا اظہار بھی کیا۔
یاد رہے کہ گزشتہ روز یہ خبریں سامنے آئی تھیں کہ محمد حفیظ کا پی سی بی میں کردار اب ختم ہو گیا ہے۔ اس کے علاوہ پاکستان کرکٹ بورڈ کی جانب سے گزشتہ روز ہی کہا گیا تھا کہ ہم محمد حفیظ کا شکریہ ادا کرتے ہیں۔
پی سی بی نے اپنے بیان میں کہا تھا کہ محمد حفیظ نے دورہ آسٹریلیا اور نیوزی لینڈ کے دوران کھلاڑیوں کو اپنے جذبے سے متاثر کیا۔
