یوں تو عموماً 2 پیار کرنے والوں کے درمیان ’ظالم سماج‘ آیا کرتا ہے لیکن امریکی ریاست فلوریڈا میں اس مرتبہ یہ ’فرض‘ ایک ریچھ نے انجام دیا جس نے ویلنٹائن ڈے کے موقع پر رنگ میں بھنگ ڈال کر ایک خاتون کی خوشی کوفت میں تبدیل کردی۔
مزید پڑھیں
گولڈن گیٹ اسٹیٹس کی کیسیڈی سیموز نے بتایا کہ وہ ویلنٹائن ڈے پر جاگیں اور اپنی کار کا جائزہ لیا تو پتا چلا کہ ان کی کار کے اندر کا حصہ ایک بھوکے ریچھ نے چیر کر ٹکڑے ٹکڑے کر دیا ہے۔ انہوں نے بتایا کہ ریچھ نے گاڑی کی مسافر سائیڈ کا اندرونی حصہ پھاڑ دیا۔
وہ ظالم ریچھ ایک خاتون کی کار میں گھس کر کینڈی چرانے کے لیے گھس گیا جو اس کے بوائے فرینڈ نے اگلی سیٹ پر رکھی تھی۔
کیسیڈی نے یہ بھی بتایا کہ گاڑی میں گھس آنے والے ریچھ نے کچھ ایسے کمالات بھی دکھائے کہ وہ اب نہ تو اپنی گاڑی کا متاثرہ سائیڈ والا دروازہ کھول پا رہی ہیں اور نہ اس کی کھڑکی کا شیشہ نیچیں کرسکتی ہیں۔
Florida woman says bear ransacked her car, devoured her Valentine's Day chocolates | Click on the image to read the full story https://t.co/ytsVCzxaWU
— WESH 2 News (@WESH) February 15, 2024
تحقیق پر پتا چلا کہ ریچھ یوں ہی خاتون کی گاڑی میں نہیں گھسا تھا بلکہ وہ ان چاکلیٹش کو چرانے آیا تھا جو کیسیڈی کے بوائے فرینڈ نے ان کی گاڑی میں چپکے سے رکھ دیا تھا تاکہ جب وہ ویلنٹائن ڈے کو صبح سو کر اٹھیں اور اپنی گاڑی کا جائزہ لیں تو انہیں ایک سرپرائز ملے۔ لیکن اس ریچھ نے نہ صرف سرپرائز خراب کیا بلکہ قیمتی چاکلیٹس بھی لے اڑا۔
سیموز نے بتایا کہ ریچھ ان چاکلیٹوں کی وجہ سے کار میں گھسا تھا جو ان کے بوائے فرینڈ نے بڑے پیار سے ویلنٹائن کے تحفے کے طور پر ان کا گاڑی کی سیٹ پر رکھ دیے تھے۔
