الیکشن کمیشن آف پاکستان نے خیبرپختونخوا میں قومی اسمبلی کی 36 نشستوں پر کامیاب ہونے والے امیدواروں کا نوٹیفکیشن جاری کر دیا ہے۔
الیکشن کمیشن نے اپنے ایک نوٹیفکیشن میں جیتنے والے امیدواروں کو ہدایت کی ہے کہ وہ اگلے 3 روز کے اندر اپنی پسند کی سیاسی جماعت سے الحاق کرلیں۔
مزید پڑھیں
الیکشن کمیشن کے مطابق انتخابات میں کامیاب ہونے والوں میں این اے 4 اپر دیر سے صبغت اللہ، این اے 10 بونیر سے گوہر علی خان اور این اے 18 ہری پور سے عمر ایوب شامل ہیں۔
نوٹیفکیشن میں این اے 19 صوابی سے اسد قیصر کی کامیابی اور این اے 30 پشاور سے شاندانہ گلزار کی کامیابی کی تصدیق کی گئی ہے۔ جبکہ این اے 35 کوہاٹ سے شہریار آفریدی نے کامیابی حاصل کی۔ اس کے علاوہ این اے 41 لکی مروت سے شیر افضل مروت نے کامیابی کا نوٹیفکیشن جاری کیا گیا ہے۔
نوٹیفکیشن کے مطابق خیبرپختونخوا میں پاکستان مسلم لیگ ن (پی ایم ایل این)، پاکستان پیپلز پارٹی (پی پی پی) اور ایم ڈبلیو ایم کے ایک ایک رکن کی کامیابی کا بھی بتایا گیا ہے۔
واضح رہے کہ صوبے میں قومی اسمبلی کی مجموعی 45 نشستیں ہیں جن میں خواتین کے لیے 10 مخصوص نشستیں بھی شامل ہیں۔
