سیکیورٹی فورسز نے خیبرپختونخوا کے ضلع ڈیرہ اسماعیل خان میں دہشتگردوں کے خلاف آپریشن کرتے ہوئے ایک دہشتگرد کو ہلاک کر دیا۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے خفیہ اطلاعات کی بنیاد پر ڈی آئی خان میں آپریشن کیا،اور اس دوران فائرنگ کا تبادلہ ہو گیا۔
مزید پڑھیں
آئی ایس پی آر کے مطابق فائرنگ کے تبادلے میں دہشتگرد محمد سہیل ہلاک ہو گیا۔
آئی آیس پی آر نے بتایا کہ ہلاک ہونے والا دہشت گرد قانون نافذ کرنے والے اداروں کے خلاف دہشت گردی کی متعدد کارروائیوں میں ملوث ہونے کے ساتھ ساتھ معصوم شہریوں کی ٹارگٹ کلنگ میں بھی سرگرم رہا۔
ترجمان کے مطابق علاقے سے دہشتگردوں کا خاتمہ کرنے کے لیے کلیئرنس آپریشن کیا جا رہا ہے۔ جبکہ علاقہ مکینوں نے فورسز کے آپریشن کو سراہا اور اس لعنت کے خاتمے کے لیے اپنے بھرپور تعاون کا یقین دلایا ہے۔
