ملک میں 8 فروری کو ہونے والے عام انتخابات کے بعد حکومت سازی کے لیے جوڑ توڑ کا عمل جاری ہے۔
پیپلزپارٹی کی جانب سے وزارت عظمیٰ کے لیے شہباز شریف کی حمایت کے اعلان کے بعد مسلم لیگ ن اور ایم کیو ایم کی رابطہ کمیٹیوں کے درمیان ملاقات ہوئی ہے۔ جس میں فیصلہ کیا گیا ہے کہ ایک دوسرے سے تعاون کیا جائے گا۔
مزید پڑھیں
پاکستان مسلم لیگ ن کے سینیئر رہنما اسحاق ڈار نے کہاکہ مسلم لیگ ن اور ایم کیو ایم نے طے کیا ہے کہ ملک میں سیاسی، جمہوری اور معاشی استحکام کے لیے ایک دوسرے سے تعاون کریں گے۔
اجلاس میں اسحاق ڈار کے علاوہ ایاز صادق، اعظم نذیر تارڑ اور ملک احمد خان نے شرکت کی۔
دوسری جانب متحدہ قومی موومنٹ کی جانب سے فاروق ستار، کامران ٹیسوری اور مصطفیٰ کمال شریک ہوئے۔
یاد رہے کہ پاکستان مسلم لیگ ن اور پاکستان پیپلزپارٹی نے مل کر حکومت بنانے کا باضابطہ اعلان گزشتہ شب کر دیا ہے۔
چیئرمین پی پی پی بلاول بھٹو نے کہا تھا کہ ہم وزارت عظمیٰ کے لیے شہباز شریف کو ووٹ دیں گے، حکومت بنانے کے لیے ہمارے نمبر پورے ہیں، جبکہ صدر مملکت کے لیے آصف زرداری ہمارے مشترکہ امیدوار ہوں گے۔
