پاکستان کرکٹ کی ویب سائٹ کوجنوری میں دیے گئے خصوصی انٹرویو میں سابق کرکٹر مشتاق احمد نے کہا تھا کہ بابر اعظم دنیا کے بڑے کرکٹرز میں سے ایک ہیں اور ہمارے ہیرو ہیں لیکن ایشیا کپ میں پاکستان کرکٹ ٹیم اچھا پرفارم نہیں کرسکی، ورلڈکپ بھی ایسا ہی گزرا، پھر ان سے کپتانی بھی چھن گئی لیکن ہمارے کلچر میں اس طرح کی باتوں کا احساس نہیں کیا جاتا۔
سابق اسپن بولر مشتاق احمد کا کہنا تھا’ ہم چھوٹی چھوٹی کامیابیوں کے لیے بڑی چیز ہار جاتے ہیں، بابراعظم نے 4 سال کپتانی کی، قیادت اور کارکردگی کا دباؤ برداشت کیا، اس سے ذہنی تھکاوٹ بھی ہوجاتی ہے، بہتر یہی ہوتا ہے کہ تفریح کریں اور فیملی کے ساتھ وقت گزاریں، دنیا میں یہی کیا جاتا ہے۔
مشتاق احمد نے کہا کہ اگر میں ہوتا تو بابراعظم سے کہتا کہ آسٹریلیا کیخلاف 3 ٹیسٹ نہ کھیلو، آنے والی سیریز کی تیاری کرو، اس طرح کے فیصلے مینجمنٹ کو کرنا چاہیں، مینجمنٹ بابر اعظم سے بات کرتی کہ آپ کے 6ماہ بہت دباؤ میں گزرے، اب آرام کریں، واپسی پر اچھا محسوس کریں گے۔
تھکاوٹ کے شکار بابر اعظم کو اس وقت ذہنی طور پر آرام کی ضرورت تھی، کوہلی بھی ریسٹ کر کے واپس آیا تو پیچھے مڑ کر نہیں دیکھا،بابر آسٹریلیا اس لیے گیا کہ انکار کیا تو لوگ کہیں گے کپتانی چھوڑی ہے اس لیے نہیں گیا،مشتاق احمد
مکمل انٹرویو کرکٹ پاکستان ویب سائٹ پر#babarazam pic.twitter.com/xV9ObROQWL— Saleem Khaliq (@saleemkhaliq) January 2, 2024
سوشل میڈیا پر مشاق احمد کا جنوری میں دیا گیا یہ انٹرویو ایک بار پھر وائر ل ہو رہا ہے۔ صارفین ذہنی سکون کے لیے بابر اعظم کو کرکٹ سے وقفہ لینے کا مشورہ دینے والے مشتاق احمد کو تنقید کا نشانہ بناتے ہوئے کہہ رہے ہیں کہ اگر بابر اعظم نے آرام نہیں کیا پھر بھی وہ بہترین پرفارمنس دے رہے ہیں۔
ایک صارف نے لکھا کہ ذہنی آرام کی ضرورت بابر اعظم کو نہیں بلکہ ان تمام لوگوں کو ہے جو ان کو آرام کا مشورہ دے رہے ہیں۔
بابر اعظم کو ذہنی آرام کی ضرورت نہیں ہے جو لوگ یہ مشورہ دے رہے ہیں ان کو آرام کی سخت ضرورت ہے https://t.co/ovJQW4HkKe
— Virtual Assistant (@Virtual98159091) February 27, 2024
پاکستان کرکٹ ٹیم کے سابق کپتان اور وکٹ کیپر راشد لطیف نے مشتاق احمد کو تنقید کا نشانہ بناتے ہوئے لکھا کہ بابر اعظم آرام نہیں کر رہا لیکن اپنی پرفارمنس سے جینا حرام ضرور کر رہا ہے۔
آرام نہیں کرر رہا ہے ۔ لیکن جینا حرام کر رہا ہے بابر
— Rashid Latif | 🇵🇰 (@iRashidLatif68) February 27, 2024
واضح رہے کہ پی ایس ایل 9 میں گزشتہ روز اسلام آباد یونائیٹڈ کے خلاف پشاور زلمی کے کپتان بابر اعظم نے ناقابل شکست سنچری اسکور کی، یہ ان کی ٹی ٹوئنٹی فارمیٹ میں کیریئر کی 11 ویں سنچری تھی۔ اس سنچری کے ساتھ انہوں نے ایک نیا ریکارڈ بنا ڈالا۔ بابر اعظم 10 سے زائد سنچریاں اسکور کرنے والے دنیا کے دوسرے جب کہ ایشیا کے پہلے بلے باز بن گئے ہیں۔
