اسپیکر راجہ پرویز اشرف کی زِیر صدارت 16ویں قومی اسمبلی کے اجلاس میں آج نو منتخب ارکانِ قومی اسمبلی نے حلف اٹھا لیا ہے، اس موقع پرایک طرف عمران خان کا اسک پہنے اسمبلی میں آنے والے پی ٹی آئی کے آزاد رہنما علی محمد خان، شیر افضل مروت کی توجہ کا مرکز بنے تو دوسری طرف نواز شریف کی آمد کے موقع پر ایوان میں شور شرابہ اور شدید نعرے بازی کی گئی، اس موقع پر نواز شریف پر کسی نے عمران خان کی تصویر والا ماسک پھینک دیا اور بانی پی ٹی آئی کی حمایت میں نعرے بازی اور نواز شریف کے خلاف چور چور کے نعرے بھی لگائے گئے۔
اس موقع پر صارفین کی جانب سے اس پر مختلف ردعمل دیا گیا کسی نے اس کی مذمت کی تو کوئی یہ کہتا نظر آیا کہ لگتا ہے اس بار اپوزیشن بہت تگڑی ہو گی۔
صحافی اسامہ غازی نے ویڈیو شیئر کرتے ہوئے لکھا کہ یہ کیا ہوگیا ؟ قومی اسمبلی میں نواز شریف پر عمران خان کی تصویر والا ماسک پھینکا گیاجوشہباز شریف کے کندھے پر گراجسےامیر مقام نے ہٹایا۔
یہ کیا ہوگیا ؟قومی اسمبلی میں نواز شریف پر عمران خان کی تصویر والا ماسک پھینکا گیا، شہباز شریف کے کندھے پر گرا، امیر مقام نے فوراً ہٹا دیا pic.twitter.com/GuqgMGGoJO
— Muhammad Usama Ghazi (@ghaziusama) February 29, 2024
ایک صارف نے لکھا کہ رول آف ممبر پر دستخط کرتے ہوئے نواز شریف کو ماسک مارا گیا ایسا لگتا ہے اس بار اپوزیشن بہت تگڑی ہوگی۔
نواز شریف کے سر پر جوتا مارا گیا۔
ایسا لگتا ہے اس بار اپوزیشن بہت تگڑی ہوگی۔@TeamiPians#مینڈیٹ_چور_بےشرم_لوگ pic.twitter.com/WyUfkLGMIZ— Arabistan Utman khel (@ZaidKhanMMD) February 29, 2024
عبدالرحمان لکھتے ہیں کہ قومی اسمبلی میں دستخط کرتے وقت نواز شریف پر کسی غیرت مند نے خان کا ماسک پھینک دیا۔
بریکنگ نیوز
قومی اسمبلی میں دستخط کرتے وقت نواز شریف پر کسی غیرت مند نے خان کا ماسک پھینک کر دے مارا۔۔ pic.twitter.com/EVJH6to9Ak
— Abdul Rehman (@Maanistan) February 29, 2024
واضح رہے کہ صدر مملکت ڈاکٹر عارف علوی نے نگران وزیر اعظم کی ایڈوائس پر قومی اسمبلی کا اجلاس آج طلب کیا تھا۔ عارف علوی نے قومی اسمبلی میں مخصوص نشستوں کی الاٹمنٹ مکمل نہ ہونے کے باعث سمری پر فیصلہ روک رکھا تھا تاہم بعد میں انہوں نے قومی اسمبلی سیکرٹریٹ کی جانب سے اجلاس بلائے جانے کے بعد سمری کی منظوری دے دی ۔
