وزیراعلیٰ پنجاب مریم نواز شریف نے دکانوں کے سامنے سامان رکھنے کے باعث شہریوں کو درپیش مشکلات کا نوٹس لیتے ہوئے سامان ہٹانے کے لیے انتظامیہ کو 30 دن کا وقت دے دیا۔
شہریوں نے وزیر اعلیٰ پنجاب مریم نواز سے شکایت کی کہ دکانداروں نے دکانوں کے باہر سامان رکھا ہوا ہے، ٹھیلے اور ریڑھی والوں کے تجاوزات کی وجہ سے شہریوں کو آمدورفت شدید مشکلات ہیں اور آئے روز حادثات ہیں۔
مزید پڑھیں
وزیراعلیٰ پنجاب مریم نواز نے شہریوں کی شکایت پر انتظامیہ کو ہدایت کی ہے کہ راستوں اور بازاروں میں ٹریفک بندش اور رکاوٹوں کو دور کیا جائے، دکاندار سامان اپنی دکانوں کی حدوں میں رکھیں، یقینی بنائیں کہ ریڑھی بان متعین جگہوں پر ٹھیلے لگائیں تاکہ شہریوں کو تکلیف نہ ہو۔
وزیراعلیٰ مریم نواز نے انتظامیہ کو ہدایت کی ہے کہ 30 دنوں میں شہریوں کی شکایات کا ازالہ کیا جائے اور ٹریفک کی روانی یقینی بنا کر شہریوں کی مشکلات کم کی جائیں۔
