سردیوں کے مقابلے میں موسم گرما میں آنکھوں کا خشک ہوجانا ایک عام بات ہے اور اکثر افراد کو یہ معاملہ درپیش ہوتا ہے۔
ایسا اس وجہ سے ہوتا ہے کہ گرمیوں میں لوگوں کو دھوپ کا سامنا زیادہ رہتا ہے جس کی وجہ سے اکثر ان کی آنکھیں خشک ہوجاتی ہیں۔
آنکھوں کے خشک ہونے کی وجہ ہے کہ گرمیوں میں جسم میں پانی کی کمی کی وجہ سے مطلوبہ مقدار میں آنسو پیدا نہیں ہو پاتے یا آنسو بہت تیزی سے بخارات بن جاتے ہیں جس سے آنکھوں کا خشک ہونا جیسے مسائل پیدا ہو جاتے ہیں۔
موسم گرما میں آنکھوں کو خشک ہونے سے بچانے کے لیے زیادہ پانی پینا اور دھوپ سے بچنے کے لیے چشمے کا استعمال کیا جا سکتا ہے۔
اس حوالے سے ماہر امراض چشم کا کہنا ہے کہ خشک آنکھوں کی بیماری کی دو وجوہات ہیں۔
پہلا یہ کہ جسم میں پانی کی کمی کی وجہ سے مطلوبہ مقدار میں آنسوؤں کا پیدا نہ ہونا
دوسری وجہ یہ کہ زیادہ گرمی کے باعث آنسوؤں کا جلد بخارات میں تبدیل ہو جانا۔
ماہرین کا کہنا ہے کہ ان دونوں بیماریوں کی علامات میں آنکھوں کا خشک ہونا، جلن ہونا، خارش ہونا اور بصری تھکاوٹ شامل ہیں۔
ماہرین کا یہ بھی ماننا ہے کہ آنکھوں کا خشک ہونے کی بیماری کا شکار خواتین جلد ہو جاتی ہیں۔ اس کے علاوہ جو لوگ خشک ماحول میں کام کرتے ہیں جیسا کہ ہوائی جہاز کے پائلٹ اور فلائٹ اٹینڈنٹ وغیرہ آنکھوں کے معاملے میں زیادہ حساس ہو سکتے ہیں۔
آگ کا دھواں، ہوا کی آلودگی بھی خشک آنکھوں کا سبب بن سکتی ہیں۔
علاج
مریض کو چاہیے کہ وہ زیادہ پانی پیئے ( کم سے کم 6 سے 8 کپ فی دن) اور دھوپ میں چشمے کا استعمال کرے۔ اس کے علاوہ ڈاکٹر کی ہدایت کے مطابق آنکھوں کے قطرے بھی استعمال کیے جا سکتے ہیں۔
