مقامی شہری مشکور حسین نے ندیم سرور ایڈوکیٹ کے ذریعے لاہور ہائیکورٹ میں درخواست دائر کرتے ہوئے چیئرمین سینیٹ صادق سنجرانی اور الیکشن کمیشن سمیت دیگر کو فریق بنایا ہے۔
درخواست گزار شہری نے موقف اختیار کیا ہے کہ صادق سنجرانی نے بلوچستان کی صوبائی اسمبلی کی نشست کے لیے عام انتخابات میں حصہ لیتے ہوئے نہ صرف الیکشن جیتا بلکہ الیکشن کمیشن نے ان کی کامیابی کا نوٹیفکیشن بھی جاری کردیا۔
مزید پڑھیں
درخواست گزار کے مطابق صادق سنجرانی بیک وقت دو عہدے نہیں رکھ سکتے، وہ غیر قانونی طور پر چیئرمین سینیٹ کے طور پر کام کر رہے ہیں۔
’لہذا الیکشن کمیشن صادق سنجرانی کی بطور سینیٹر نشست خالی قرار دینے کا حکم دے اور لاہور ہائیکورٹ صادق سنجرانی کو بطور چیئرمین سینیٹ کام کرنے سے بھی روکے۔‘
