بھارت کے معروف دادا صاحب پھالکے ایوارڈز میں کرینہ کپور نے شاہد کپور کو نظر انداز کردیا۔ ایوارڈ سے قبل کی ایک ویڈیو وائرل ہوئی ہے جس میں کرینہ کپور کو دادا صاحب پھالکے ایوارڈز میں اپنے سابق بوائے فرینڈ شاہد کپور کو نظر انداز کرتے ہوئے دکھایا گیا ہے۔
کلپ میں دیکھا جا سکتا ہے کہ جب ماضی مشہور جوڑی ریڈ کارپٹ پر اک دوجے کے سامنے آئی تو سب کی نظریں ان پر ہی تھیں، کرینہ کپور اپنے وفد کے ساتھ چلتے ہوئے شاہد کے قریب آئیں تو شاہد اسے دیکھ کر مسکراتا دکھائی دیا لیکن کرینہ اسے نظر انداز کرتی ہوئی، شاہد کے ساتھ کھڑے شخص سے علیک سلیک کرکے آگے بڑھ گئیں۔
مزید پڑھیں
ہندوستان ٹائمز کے مطابق یہ واقعہ مداحوں کو بالکل بھی نہیں بھایا کیونکہ بہت سے سوشل میڈیا صارفین نے کرینہ کو اس کے فعل پر انہیں تنقید کا نشانہ بنایا ہے۔ ایک مداح نے تبصرہ کیا کہ ’برسوں تک شاہد کا پیچھا کرنے اور اسے اس سے محبت کرنے کے بعد صرف سیف کے لیے شاہد کو نظر انداز کرنے کا کرینہ کو کوئی حق نہیں۔
View this post on Instagram
ویڈیو کلپ میں دیکھا جا سکتا ہے کہ شاہد ، کرینہ کپور کو دیکھ کر مسکرائے مگر پھر بھی نظر انداز کر دیے گئے۔ ایک صارف نے کہا کہ شاہد کپور بنیادی طور پر شریف بندہ ہے، شاہد کو کوئی فرق نہیں پڑتا وہ ایک سچا، شریف اور شاندار شخص ہے۔ کرینہ کپور کی اتنی بڑی انا؟ لیکن شاہد کپور بہتر سلوک کے مستحق تھے۔
یاد رہے کہ کرینہ کپور اور شاہد کپور نے اپنے کیریئر کا آغاز 2000 کی دہائی کے اوائل میں کیا تھا پھر چند ہٹ فلموں کے بعد ان کی راہیں جدا ہو گئی تھیں، جولائی 2015 میں شاہد نے میرا راجپوت سے شادی کر لی تھی، ان کے 2 بچے بھی ہیں، بیٹی میشا اور بیٹا زین۔ ادھر کرینہ نے اکتوبر 2012 میں سیف علی خان سے شادی کرلی تھی، ان کے 2 بیٹے ہیں، تیمور اور جہانگیر۔
