قومی کرکٹ ٹیم کے سابق کپتان شاہد آفریدی ماضی میں بابر اعظم کی کپتانی پر سوالات اٹھاتے اور ان کو تنقید کا نشانہ بناتے آئے ہیں لیکن جب ان کے داماد شاہین شاہ آفریدی قومی کرکٹ ٹیم کے کپتان بنے تو ماضی کے برعکس وہ ان کی حمایت میں بولتے نظر آرہے ہیں۔
سماجی رابطے کی سائیٹ ایکس (سابق ٹوئٹر) پر اس وقت ایک ویڈیو وائرل ہے جس میں شاہد آفریدی قومی کرکٹ ٹیم کے کپتان شاہین آفریدی کی کپتانی کی حمایت کرتے ہوئے کہتے ہیں کہ شاہین آفریدی پاکستان کرکٹ ٹیم کی کپتانی کر رہا ہے، شاہین کور پر بھی کھڑا ہوا ہے، بالنگ بھی کر رہا ہے۔ ان کا مزید کہنا تھا کہ شاہین کو اس وقت سپورٹ کی ضرورت ہوتی ہے جو کہ ہونی بھی چاہیے اور ہر کپتان کو سینئرز کی سپورٹ کی ضرورت ہوتی ہے۔
یاد رہے کہ اس سے قبل جب بابر اعظم کپتان تھے تو ان پر تنقید کرتے ہوئے شاہد آفریدی کی ویڈیوز سامنے آئی تھیں جن میں وہ کہتے تھے کہ کپتان سب کچھ ہے، کپتان اگر فیلڈنگ میں جان لگائے گا، گراؤنڈ میں باقی لڑکوں کو سپورٹ کرے گا تو ساری ٹیم ایکٹو ہوگی کیوں کہ اگر کپتان جان لگا رہا ہے اور دوسرا کھلاڑی جان نہیں لگا رہا تو اس کو شرمندگی محسوس ہو گی۔ شاہد آفریدی کہتے تھے کہ گھوم پھر کر چیزیں کپتان پر ہی آتی ہیں کیونکہ کپتان کا ہی کردار ہوتا ہے کہ وہ پریشر ڈالے اور نظر آؤ کہ آپ پریشر ڈال رہے ہیں۔
ویڈیو کے وائرل ہوتے ہی صارفین کی جانب سے اس پر شدید رد عمل کا اظہار کیا جا رہا ہے۔ ماریہ راجپوت لکھتی ہیں کہ وقت کی ایک بات اچھی ہے کہ وہ ہمیشہ ایک سا نہیں رہتا اور جیسے جیسے گزرتا ہے اصلیت عیاں ہوتی رہتی ہے۔
وقت کی ایک بات اچھی ہے وہ ہمیشہ ایک سا نہیں رہتا اور جیسے جیسے گزرتا ہے اصلیت عیاں ہوتی رہتی ہے ۔۔۔
pic.twitter.com/pDqdlb9qWE— Mariya Rajput (@mariya_raj10) March 3, 2024
ایک صارف نے شاہد آفریدی کو تنقید کا نشانہ بناتے ہوئے کہا کہ وہ کبھی سیاست میں نہیں آئے لیکن ساری زندگی سیاست کرتے رہے۔
never joined politics but has been doing politics all his life. https://t.co/npFNoxgS2b
— Aadil (@what_ithinkis) March 3, 2024
ایک ایکس صارف نے لکھا کہ مجھے خوشی ہے میں شاہد آفریدی کا کبھی فین نہیں رہا۔
Glad that I've never been a Shahid Afridi fan. https://t.co/1ZHuQGuWdO
— Addy (@thy_notepad) March 4, 2024
ایک صارف نے شاہد آفریدی کو آڑے ہاتھوں لیتے ہوئے کہا کہ اگر منافقت کا کوئی چہرہ ہوتا تو یہ ہوتا۔
If hypocrisy had a face https://t.co/ZQj2ZlWAlf
— 𝐌 𝐒𝐡𝐚𝐛𝐚𝐧 𝐓𝐚𝐛𝐚𝐬𝐬𝐚𝐦 (@Mshabantabassam) March 4, 2024
واضح رہے کہ شاہین شاہ آفریدی جو لاہور قلندرز کے ساتھ پاکستان کی ٹی 20 ٹیم کے کپتان بھی ہیں۔ ان کی زیرقیادت 11 میں سے 10 میچوں میں شکست ہوئی ہے جس پر انہیں تنقید کا سامنا ہے۔