صدرمملکت ڈاکٹر عارف علوی نے خواتین اور بچوں کی سزاؤں میں انسانی ہمدردی کی بنیادوں پر خصوصی چھوٹ کا اعلان کیا ہے، جس کے مطابق سزا میں چھوٹ کا اطلاق 2 سال یا اس سے کم عرصہ کے لیے سزا یافتہ خواتین اور بچوں پر ہوگا۔
مزید پڑھیں
صدر مملکت کے اعلان کے مطابق چھوٹ کا اطلاق سزا مکمل ہونے میں 2 سال سے کم کا عرصہ رہ جانے والی خواتین اور بچوں پر بھی ہوگا، سزا میں کمی کا اطلاق قتل، جاسوسی، ریاست مخالف سرگرمیوں، اغوا، چوری، ڈکیتی کے مجرموں پر نہیں ہوگا۔
ان کے مطابق کمی کا اطلاق زنا آرڈیننس، انسداد دہشت گردی، غیرملکی افراد اور نشہ آور مواد کے کنٹرول ایکٹ کے تحت سزایافتہ مجرموں پر نہیں ہوگا۔
واضح رہے صدر مملکت نے سزاؤں میں کمی کی منظوری آئین کے آرٹیکل 45 اور رولز آف بزنس کے تحت دی۔
