ملک کے سب سے بڑے ٹی20 ٹورنامنٹ پاکستان سپر لیگ(پی ایس ایل )سیزن 9 کے میچز اس وقت راولپنڈی میں کھیلے جارہے ہیں۔ شائقین کے ساتھ کھلاڑیوں کا جوش و جذبہ بھی عروج پر ہے ۔ تماشائیوں کے شور اور بیٹرز کے فلک بوس چھکوں میں ایک تلخ کلامی کا واقعہ بھی پیش آیا۔ راولپنڈی میں کھیلے جانے والے پی ایس ایل میچ کے دوران کراچی کنگز کے کپتان شان مسعود اور اسلام آباد یونائیٹڈ کے کپتان شاداب خان کے درمیان ریویو لینے کے معاملے پر سخت جملوں کا تبادلہ ہوا۔
شاداب خان نے اعتراض کیا کہ شان مسعود نے ریویو کے لیے مقررہ وقت سے تجاوز کیا ہے۔ شاداب کے اعتراض کے باوجود شان مسعود نے ریویو لیا جس پر سلمان آغا آؤٹ ہونے سے بچ گئے کیونکہ گیند بلے پر نہیں بلکہ آغا سلمان کے پیڈ سے ٹکرائی تھی۔ دونوں کھلاڑیوں کے درمیان تلخ کلامی بڑھنے سے پہلے ہی ایمپائرز نے آگے بڑھ کر انہیں الگ کر دیا۔ اس واقعے کے فوراً بعد ہی پہلے سلمان علی آغا کیچ دے کر پویلین لوٹ گئے اور پھر اعظم خان اور شاداب بھی آؤٹ ہو گئے۔
ویڈیو سوشل میڈیا پر وائرل ہونے کے بعد صارفین کی جانب سے شان مسعود کے رویے کو تنقید کا نشانہ بنایا جا رہا ہے ۔
ایک صارف نے شان مسعود کے رویے پر تبصرہ کرتے ہوئے کہا کہ ہم جانتے ہیں، آپ پاکستانی ٹیسٹ ٹیم کے کپتان ہیں لیکن آپ پاکستانی ٹیم کے مقروض نہیں ہیں۔ اور یہ کیا سلوک ہے؟
What is this behavior from shan masood ?
We know you are Pakistan test team captain but you don’t owe Pakistan team
Ab kiya bolna pasad karo ga tum ? @AhmerNajeeb ??? #HBLPSL2024 #PSL9 pic.twitter.com/gl9P02OpHq
— Sami Nadeem (@Sami_ullah_1234) March 7, 2024
سپورٹس جرنلسٹ احتشام لکھتے ہیں کہ شان مسعود کا رویہ اس پی ایس ایل میں بالکل بدل گیا ہے۔ پہلی بار جب حارث رؤف نے بالکل کلین کیچ لیا اور اب شاداب خان کے ساتھ باتوں کو بڑھا چڑھا کر پیش کر رہے ہیں۔ واضح رہے کہ لاہور قلندرز اور کراچی کنگز کے درمیان سنسنی خیز مقابلے کے آخری اوور میں کیچ لیتے ہوئے حارث رؤف گر کر زخمی ہو گئے تھے، لیکن ان کے کیچ پر شان مسعود نے اعتراض بھی اٹھا دیا۔
تھرڈ امپائر نے اگرچہ فیصلہ سناتے ہوئے کہا کہ رؤف نے کیچ مکمل کر لیا ہے۔ کراچی کنگز کے کھلاڑی اس فیصلے سے متفق نظر نہیں آئے، کپتان شان مسعود کو تھرڈ امپائر کے فیصلے پر ڈریسنگ روم سے احتجاج کرتے ہوئے بھی دیکھا گیا۔
Shan Masood’s behaviour totally changed in this PSL.
– First time when Haris Rauf took a clean catch and now exaggerating things with Shadab Khan. #IUvsKK #HBLPSL9
— Ehtisham Siddique (@iMShami_) March 7, 2024
سپورٹس جرنلسٹ فرید خان لکھتے ہیں کہ تلخ کلامی کے بعد شاداب خان اور شان مسعود کو ایک دوسرے سے گلے لگاتے دیکھ کر بہت اچھا لگا۔
So good to see Shadab Khan and Shan Masood hugging each other after the arguments they had. Brothers ❤️❤️#HBLPSL9 #tapmad #HojaoAdFree pic.twitter.com/KW62Psm6WA
— Farid Khan (@_FaridKhan) March 7, 2024
ایک صارف نے لکھا کہ میچ کے دوران گرما گرمی کے بعد شاداب خان نے میچ ختم ہونے پر شان مسعود کو گلے لگا لیا۔ یہ شاداب خان کی جانب سے شاندار سپورٹس میں اسپرٹ کا مظاہرہ ہے۔
میچ کے دوران گرما گرمی کے بعد شاداب خان نے میچ ختم ہونے پر شان مسعود کو گلے لگا لیا
شاداب خان کی جانب سے شاندار سپورٹس میں اسپیرٹ کا مظاہرہ کیا 👏😍#HBLPSL9 | #IUvKK | #KKvIU | #CricketTwitter pic.twitter.com/ZNkGADAPCD
— Faisal Yousaf (@faisal7y) March 7, 2024
ایک ایکس صارف نے لکھا کہ شاداب خان اور شان مسعود کی لڑائی کا حیدر علی نے بدلہ لے لیا۔ یاد رہے کہ حیدر علی نے 16 گیندوں پر ایک چھکے اور 2 چوکوں کی مدد سے 26 رنز بنائے اور آؤٹ نہیں ہوئے جبکہ فہیم اشرف 8 گیندوں پر 12 رنز بنا کر ناٹ آؤٹ رہےاوراسلام آباد یونائیٹڈ نے ایک بار پھر ٹورنامنٹ کے پوائنٹس ٹیبل پر دوسری پوزیشن حاصل کر لی ہے۔
Shadab Khan vs Shan Masood fight Haider Ali take Revenge #HaiderAli #ShanMasood #ShadabKhan #Psl2024 pic.twitter.com/7ig6bgSoht
— Mr Aj Memes (@MrAjMemes) March 7, 2024
اسلام آباد یونائیٹڈ کے کپتان شاداب خان نے شان مسعود سے ہونے والی گرما گرمی پر ردعمل کا اظہار کرتے ہوئے کہا کہ شان بھائی کو تھوڑی غلط فہمی ہوگئی تھے جس پر وہ ناراض ہوئے تھے۔
