وہ عادت جو آپ کو دانتوں سے محروم کر سکتی ہے

ایک طبی تحقیق کے مطابق ویپ یا ای سگریٹ کی عادت انسان کو دانتوں سے محروم کر سکتی ہے۔

غیر ملکی خبر رساں ادارے کی رپورٹ کے مطابق ویپنگ عام سگریٹ کی طرح دانتوں کو متاثر کرتی ہے جس سے ان میں سوراخ پیدا ہو جاتے ہیں اگر ان کا بروقت علاج نہ کرایا تو یہ ضائع ہو جاتے ہیں۔

امریکی پروفیسر نے ویپنگ کی عادت میں مبتلا افراد کو خبردار کیا ہے کہ ویپنگ کا دھواں دانتوں کو بری طرح متاثر کرتا ہے، اور وقت کے ساتھ ساتھ انہیں کھوکھلا کرتا جاتا ہے۔

انہوں نے کہا کہ ویپنگ کی عادت مبتلا اشخاص اپنے معالج کو ضرور بتائیں تاکہ وہ عام مریض سے ہٹ کر آپ کا بہترین علاج کریں۔

امریکا کے سینٹرز فار ڈیزیز کنٹرول اینڈ پریوینشن کے مطابق امریکا میں 91 لاکھ بڑے اور 20 لاکھ نوجوان تمباکو والی ویپنگ اشیاء کا استعمال کرتے ہیں۔

اگرچہ زیادہ تر مریض ویپ نہیں کرتے تھے لیکن جو لوگ کرتے تھے ان میں 79 فی صد افراد کے دانتوں میں کیڑا لگنے خطرات تھے۔ جبکہ جو افراد برقی سیگریٹ استعمال نہیں کرتے تھے ان میں یہ شرح 60 فی صد تھی۔