افغانستان کرکٹ بورڈ نے آئر لینڈ کے خلاف ٹی20 اسکواڈ کا اعلان کر دیا۔ اسٹار لیگ اسپنر راشد خان کی بطور کپتان ٹیم میں واپسی ہوئی ہے۔ آئرلینڈ کے خلاف سیریز میں راشد خان ٹیم کی قیادت کریں گے۔
Rashid Khan returns 🙌
The captain and leg-spinner headlines Afghanistan's squad to face Ireland 📝
More 👉 https://t.co/gXcmeORWOf#AFGvIRE pic.twitter.com/tCOeBJKk8A
— ICC (@ICC) March 14, 2024
راشد خان کمر کی تکلیف میں مبتلا تھے اور علاج کروا رہے تھے۔ فٹ ہونے کے بعد راشد خان کو افغانستان کرکٹ ٹیم کا حصہ بنایا گیا ہے۔
افغانستان کرکٹ بورڈ (اے سی بی) نے آئرلینڈ کے خلاف 15 رکنی اسکواڈ کا اعلان کیا ہے جن میں کپتان راشد خان کے علاوہ ابراہیم زدران، رحمٰن اللہ گرباز (وکٹ کیپر)، صدیق اتل، اعجاز احمد زئی، اسحاق رحیمی (وکٹ کیپر)، محمد نبی، ننگیال خروتئی، عظمت عمر زئی، نور احمد، مجیب الرحمٰن، وفادار مہمند، فرید ملک، نوین الحق اور فضل الحق فاروقی شامل ہیں۔
واضح رہے کہ راشد خان فٹنس مسائل کے باعث پی ایس ایل کے سیزن 9 میں لاہور قلندرز کی نمائندگی نہیں کر سکے تھے۔
افغانستان اور آئرلینڈ کے درمیان 3ٹی ٹوئنٹی میچز کی سیریز کا پہلا میچ کل شارجہ میں کھیلا جائے گا۔