راولپنڈی کی عدالت نے سابق ڈی جی آئی ایس آئی فیض حمید کے بھائی، چکوال کے سابق نائب تحصیلدار نجف حمید کا جوڈیشل ریمانڈ منظور کرلیا۔
سینیئر سول جج وقار حسین گوندل کی عدالت میں نجف حمید کو پیش کیا گیا۔ جہاں اینٹی کرپشن کی تفتیشی ٹیم نے استدعا کی کہ نجف حمید کو جوڈیشل ریمانڈ پر جیل بھیجا جائے۔
مزید پڑھیں
عدالت نے تفتیشی ٹیم کی استدعا منظور کرتے ہوئے نجف حمید کا جوڈیشل ریمانڈ منظور کرتے ہوئے انہیں اڈیالہ جیل بھیجنے کا حکم دیدیا۔ اور احکامات دیے کہ یکم اپریل کو دوبارہ انہیں عدالت میں پیش کیا جائے۔
واضح رہے کہ سابق نائب تحصیلدار چکوال نجف حمید کو اینٹی کرپشن سرکل راولپنڈی کی ٹیم نے آج گرفتار کیا۔
نجف حمید کو فروری 2023 میں کرپشن کے الزمات پر معطل کیا گیا تھا۔
اس کے بعد اینٹی کرپشن پنجاب نے ڈپٹی کمشنر راولپنڈی کو خط لکھا تھا کہ نجف حمید کے زیرملکیت جو زمینیں ہیں ان کا ریکارڈ فراہم کیا جائے۔