لندن جانے والی ایک پرواز کو اس وقت ہنگامی لینڈنگ کرنا پڑی جب ایک مسافر نے جہاز میں خود کشی کی کوشش کی۔
غیر ملکی میڈیا رپورٹس کے مطابق یہ واقعہ ایوا ایئر بی آر 67 کی پرواز میں پیش آیا جو بنکاک سے لندن جا رہی تھی۔ ایئر لائن نے اس شخص کی شناخت ظاہر نہیں کی۔
ذرائع کے مطابق جب پرواز نے لندن کے ہیتھرو ایئرپورٹ پر اترنا شروع کیا تو عملے کے ارکان نے محسوس کیا کہ ایک مسافر ابھی تک بیت الخلا کے اندر موجود ہے۔ چیک کرنے پرکیبن کریو نے متعلقہ شخص کو تشویشناک حالت میں پایا جسے چوٹیں بھی آئی تھیں۔
فلائٹ اٹینڈنٹ اور آن بورڈ ڈاکٹرز نے مسافر کو ابتدائی طبی امداد فراہم کی اور لینڈنگ کے بعد اسپتال منتقل کر دیا۔ رپورٹس کے مطابق طیارہ لندن کے ہیتھرو ایئرپورٹ پر مقررہ وقت سے 17 منٹ پہلے اترا۔
