حکومت بلوچستان کے محکمہ اسپورٹس میں 95 لاکھ روپے کی خوردبرد کا مقدمہ درج لیا گیا۔
مقدمہ سابق وزیر اسپورٹس عبدالخالق اور سٹی ایکسپریس انٹرنیشنل کے ڈائریکٹر محسن شاہد کے خلاف درج کیا گیا ہے۔
مزید پڑھیں
محکمہ اینٹی کرپشن بلوچستان نے مقدمہ ڈائریکٹر جنرل اسپورٹس کی مدعیت میں درج کیا۔
محکمہ اینٹی کرپشن کے مطابق نومبر 2022 میں اسپورٹس ایونٹ کے انعقاد کے لیے 95 لاکھ روپے جاری کیے گئے، تاہم نہ اسپورٹس ایونٹ منعقد کیا گیا اور نہ ہی رقم واپس خزانے میں جمع کرائی گئی۔
ایف آئی آر میں درج ہے کہ تحقیقات کے دوران یہ ثابت ہوا کہ مذکورہ رقم خوردبرد کی گئی۔
مقدمہ محکمہ اینٹی کرپشن اسٹیبلشمنٹ نے تعزیرات پاکستان اور اینٹئ کرپشن اسٹیبلشمنٹ ایکٹ کی مختلف دفعات کے تحت درج کیا۔
