امریکی ریاست الاباما کے غاروں میں ریکون کا پیچھا کرنا ایک کتے کو مہنگا پڑگیا جہاں وہ پھنس کر رہ گیا اور اسے نکالنے کے لیے ریسکیو رضاکاروں کو مدد کو پہنچنا پڑا۔
مزید پڑھیں
ریسکیو ٹیم نے میڈیا کو بتایا کہ اس کے ارکان نے غار میں پھنسے کتے کو بچانے میں کاؤنٹی پولیس اور محکمہ فائر بریگیڈ کی مدد کی۔
ٹیم نے کہا کہ ہم سے رابطہ کرنے سے پہلے کتے کو بچانے کی کوششیں کی گئی تھیں لیکن بدقسمتی سے وہ ناکام رہے تاہم شکر ہے کہ ریسکیو کی کوششوں میں کوئی زخمی نہیں ہوا اور ایک بار ہم وہاں جا کر خوفزدہ کتے کو بحفاظت نکالنے میں کامیاب ہو گئے۔
کوون ہاؤنڈ کو نارتھ الاباما سرچ ڈاگ ایسوسی ایشن کے ذریعے فراہم کردہ ہارنس کا استعمال کرتے ہوئے غار سے بحفاظت باہر لایا گیا۔
ریسکیو ٹیم نے فیس بک پر اپنی ایک پوسٹ میں بتایا کہ جب کہ کتا تھوڑا سا گیلا اور بھوکا تھا اور اسے ٹھنڈ بھی لگ رہ ہی تھی۔ کتے کو اس کے مالک کے حوالے کردیا گیا۔
امدادی کارکنوں نے کہا کہ ان کا سامنا اس ریکون سے نہیں ہوا جس کا کتا پیچھا کر رہا تھا۔
انہوں نے بتایا کہ جب کہ ہم نے ریکون کو زیادہ تلاش نہیں کیا لیکن ہمیں یقین ہے کہ وہ ہماری مدد کی ضرورت کے بغیر خود کو وہاں سے نکالنے میں کامیاب ہو گیا ہوگا۔ بندر کی طرح چالاک یہ شمالی امریکی جانور ریکون غاروں کے معاملے میں کتوں سے زیادہ ماہر ہوتے ہیں۔
