یونیورسٹی آف دی پنجاب نے موسم بہار کے باعث 9 دن کی تعطیلات کا اعلان کر دیا ہے۔
جامعہ پنجاب میں 1 اپریل سے 9 اپریل تک موسم بہار کی تعطیلات ہوں گی،اس عرصے کے دوران یونیورسٹی کے تمام شعبے بند رہیں گے۔
تاہم پنجاب یونیورسٹی کا انتظامی عملہ اس دوران بدستور اپنی ڈیوٹی سرانجام دیتا رہے گا اور ان کو چھٹیاں نہیں ہوں گی۔
مزید پڑھیں
یاد رہے کہ پنجاب یونیورسٹی ہر سال طلبا اور فیکلٹی کے لیے موسم بہار کی چھٹی کا اعلان کرتی ہے تاکہ طلبا و طالبات کو تعلیمی سرگرمیاں دوبارہ شروع کرنے سے پہلے آرام کا وقت فراہم کیا جا سکے۔
7 سکالرز کو پی ایچ ڈی کی ڈگری مل گئی
دوسری جانب پنجاب یونیورسٹی نے 7 سکالرز کو پی ایچ ڈی کی ڈگریاں جاری کر دی ہیں، پنجاب یونیورسٹی نے ثوبیہ مشتاق دختر مشتاق علی کو باٹنی، سونیا حنیف دختر محمد حنیف کو ریاضی میں پی ایچ ڈی کی ڈگری دی ہے۔
سر بلند ولد سرفراز خان کو انٹر نیشنل ریلیشنز ، عائشہ خان دختر خالد محمود خان کو ریاضی ، شاہزیب خورشید ولد خورشید علی کو کامرس میں پی ایچ ڈی کی ڈگریاں جاری کی گئی ہیں۔
یونیورسٹی نے ثناء صفدر دختر سلطان صفدر کو زوالوجی اور بشریٰ محمود دختر محمود احمد مودی کو سوشیالوجی کے مضمون میں مقالہ جات کی تکمیل کے بعد پی ایچ ڈی کی ڈگریاں جاری کی ہیں۔
