وزیراعظم شہباز شریف سے وفاقی وزیر داخلہ، اینٹی نارکوٹکس اور چیئرمین پاکستان کرکٹ بورڈ (پی سی بی) سید محسن رضا نقوی نے ملاقات کی۔
ملاقات میں وزارت داخلہ، انسداد منشیات، قومی سلامتی اور پاکستان کرکٹ بورڈ سے متعلق امور پر تبادلہ خیال کیا گیا۔
مزید پڑھیں
وفاقی وزیر نے وزیراعظم کو ملک میں بجلی کی چوری روکنے کے لیے وفاقی تحقیقاتی ادارے (ایف آئی اے) کو دیے گئے ٹاسک سے آگاہ کیا۔انہوں نے وزیراعظم کو وفاقی تحقیقاتی ادارے (ایف آئی اے) اور نیشنل کاؤنٹر ٹیررازم اتھارٹی کی مجوزہ اصلاحات اور تنظیم نو کے منصوبے کے بارے میں بھی آگاہ کیا۔
وزیراعظم نے کہا کہ بجلی چوروں کے خلاف سخت کارروائی کی جائے اور ان کے ساتھ کوئی نرمی نہ برتی جائے۔ ملاقات میں ملک کی مجموعی سیاسی صورتحال پر بھی تبادلہ خیال کیا گیا۔
